جيىننىڭ شىمىلدىعىن تۇرگەن ساياساتتانۋشى ەدۋارد پولەتايەۆ ءوز سوزىندە ەۋرازيالىق وداققا بىرىككەن ەلدەردىڭ اراسىندا ترانسپورتتىق-لوگيستيكالىق الەۋەت اسا جوعارى ەكەنىن ايتتى. «ەۋرازيا كەڭىستىگىن بولاشاقتا جۇزەگە اساتىن جاڭا جىبەك جولى باسىپ وتەدى. سونىمەن قاتار باتىس جۇڭگو – باتىس ەۋروپا ماگيسترالىن دە ساناقتان شىعارۋعا بولمايدى» دەدى ول.
ال ساياساتتانۋشى اندرەي چەبوتاريەۆتىڭ پىكىرىنشە الدىمەن شەكارالىق ايماقتاعى ارىپتەستىك ماسەلەسىنە كوڭىل اۋدارۋ كەرەك. «رەسەي مەن قازاقستاننىڭ اراسىنداعى شەكارالىق ارىپتەستىكتى دامىتۋ تۇرالى قۇجاتقا وسىدان بەس جىل بۇرىن، ياعني، 2011 جىلدىڭ 15 قىركۇيەگىندە قول قويىلعان. ال 2012 جىلى بۇل قۇجاتتاردى ناقتى جۇزەگە اسۋدىڭ جوسپارلارى جاسالدى. ءبىراق بۇل باعدارلامانىڭ قالاي ورىندالىپ جاتقانىنان حابارسىز قالىپ وتىرمىز» دەدى ول.
ساراپشى ايدارحان قۇسايىنوۆتىڭ پىكىرىنشە شەكارالىق ايماقتاعى ارىپتەستىكتى دامىتۋعا الدىمەن قازاقستان زاڭدارىنىڭ تىم قاتالدىعى سەبەپ بولىپ وتىر. «ءبىزدىڭ وبلىس اكىمدەرى ءوز ەركىمەن شەشىم قابىلداي المايدى. ءبىز تىم ورتالىقتانعانبىز. وسىنىڭ كەسىرىنەن ەكونوميكا دا، الەۋمەتتىك سالا دا جاپا شەگىپ وتىر. ءدال وسى ورتالىقتانۋدىڭ كەسىرىنەن ۇدەمەلى يندۋستريالدىق-يننوۆاسيالىق دامۋ باعدارلاماسى توقىراۋدا دەدى ءوز سوزىندە ساراپشى.
وتىرىستى تۇيىندەگەن ساياساتتانۋشى ايگۇل وماروۆانىڭ ايتۋىنشا شەكارالىق جانە ايماقارالىق ارىپتەستىكتى دامىتۋعا ءبىرىنشى كەزەكتى كەدەرگى كەلتىرىپ وتىرعان دۇنيە ادامي فاكتور.
