Kólik ministrliginde kútý aimaqtarynyń infraqurylym parametrlerin, jol qozǵalysyn uiymdastyrý tártibin jáne tehnikalyq jabdyqtalý deńgeiin egjei-tegjeili retteitin qujat qaralyp jatyr, dep habarlaidy Dalanews.kz.
Kútýge arnalǵan servistik aimaqtardy jobalaý kezinde olardyń geografiialyq ornalasýy, beketterdiń ótkizý qabileti, boljamdy kólik aǵyndary, sondai-aq jer bederi men klimattyq jaǵdailar eskeriledi. Jol-kólik syzbasy kólik quraldarynyń barynsha joǵary ótkizý qabiletin qamtamasyz etip, qaýipsiz manevr jasaýǵa múmkindik berýi tiis. Bul rette qozǵalys aǵyndary kirý, sáikestendirý, kútý, qyzmet kórsetý jáne shyǵý kezeńderine bólinedi.
Servistik kútý aimaqtary úsh fýnktsionaldyq bloktań turady: turaq, kommertsiialyq jáne ákimshilik aimaqtar. Turaq aimaǵynda júk jáne jeńil kólikter bólek ornalastyrylady, al elektrondyq kezek terminaldar men mobildi qosymshalardaǵy tirkelý júiesi arqyly júzege asatyn bolady. Turaq aimaǵynyń eń tómengi syiymdylyǵy keminde 200 júk kóligine eseptelýi tiis.
Kommertsiialyq aimaqta júrgizýshiler men tasymaldaýshylarǵa arnalǵan servistik nysandar ornalastyrylady. Ákimshilik aimaq operatorlardy jáne, qajet bolǵan jaǵdaida, memlekettik organdardyń bólimshelerin ornalastyrýǵa arnalǵan.
Jeke talaptar blogy tehnikalyq jabdyqtalýǵa qatysty. Servistik aimaqtarǵa kirý jáne shyǵýdy baqylaityn avtomattandyrylǵan júielermen, memlekettik nómirlik belgilerdi taný fýnktsiiasy bar kólik quraldaryn esepke alý júielerimen jáne memlekettik organdardyń aqparattyq júielerimen integratsiialaý múmkindigimen jabdyqtalýy tiis. Sonymen qatar qaýipsizdik júieleri, turaqty mobildi bailanys jáne internetke qoljetimdilik qamtamasyz etilýi qajet.
Atalǵan jańashyldyq servistik kútý aimaqtarynyń senimdi jumys isteýin qamtamasyz etip, kólik aǵyndaryn tiimdi basqarýǵa, sondai-aq tranzittik tasymaldar kezinde qyzmet kórsetý sapasyn arttyrýǵa múmkindik beredi.
Bul talaptar jańa nysandardy salý kezinde de, qoldanystaǵy kútý alańdaryn jańǵyrtý barysynda da qoldanylady. Joba «Ashyq NQA» portalynda jariialanǵan.
Eske salaiyq, buǵan deiin shekaradaǵy keptelisti azaitý úshin jańa turaqtar salynatyny habarlanǵan bolatyn.
