Atamekenine oralyp, Qytaidan Qazaqstanǵa kóship kelmek bolǵanda shekaralyq tekserý kezinde 50 myń dollarǵa jýyq bar jiǵan-tergen aqshasynan aiyrylyp qalǵan qandasymyz Gúljan Máýithanqyzyna qatysty apelliatsiialyq sot otyrysy 1-shi maýsym kúni Óskemen qalasynda ótti. Sot sheshimi búgin shyǵady.
Shyǵys Qazaqstan oblysy Zaisan aýdandyq soty jalǵyzbasty áieldi 234-bap boiynsha aiypty dep tanyǵan. Tek, onyń uly Ádilbek Muhtashqa tiesili 10 myń AQSh dollary ǵana qaitarylatyn bolǵanymen Ádilbektiń jáne Gúljan Máýithannyń týǵan inisi Muqitiat Máýithannyń ústinen: "Tergeý kezindegi jaýaby men sot otyrysyndaǵy sózi eki bólek boldy" dep qylmystyq is qozǵaǵan bolatyn. Sondai-aq, 68 myń teńge aiyppul salyp, qalǵan 40 myń dollardy memleketke kiris retinde sheshken edi.
10 sáýir kúni Gúljan Máýithanqyzy Zaisan aýdandyq sotynyń sheshimine kelispei, ShQO sotyna apelliatsiialyq shaǵym túsirgen bolatyn. Osy shaǵym boiynsha 1 maýsymǵa belgilengen sot otyrysynda barlyq jábirlenýshilerden jaýap alynyp, sottyń sheshimi keshe keshki 17.00-de jariialanýy kerek-tin.
Alaida aiyptaýshy tarap Qytai-Qazaqstan shekarasynan ótý kezinde jábirlenýshilerden «iri kólemde qarjy alyp ótpek boldy» degen aiyppen ekinshi ret jaýap alý barysyna qatysqan aýdarmashynyń sot otyrysyna kelýin ótindi. Sol sebepti sot otyrysy búgin saǵat 13.00-ge shegerildi.
Osy oraida aita keteiik, atalǵan is boiynsha tergeý barysynda birinshi jaýap alý kezinde jábirlenýshilerge aýdarmashy usynylmaǵan.
Derekkóz: Baq.kz
https://youtu.be/TmfJXGPROQQ
