اتامەكەنىنە ورالىپ، قىتايدان قازاقستانعا كوشىپ كەلمەك بولعاندا شەكارالىق تەكسەرۋ كەزىندە 50 مىڭ دوللارعا جۋىق بار جيعان-تەرگەن اقشاسىنان ايىرىلىپ قالعان قانداسىمىز گۇلجان ءماۋىتحانقىزىنا قاتىستى اپەللياسيالىق سوت وتىرىسى 1ء-شى ماۋسىم كۇنى وسكەمەن قالاسىندا ءوتتى. سوت شەشىمى بۇگىن شىعادى.
شىعىس قازاقستان وبلىسى زايسان اۋداندىق سوتى جالعىزباستى ايەلدى 234-باپ بويىنشا ايىپتى دەپ تانىعان. تەك، ونىڭ ۇلى ادىلبەك مۇحتاشقا تيەسىلى 10 مىڭ اقش دوللارى عانا قايتارىلاتىن بولعانىمەن ادىلبەكتىڭ جانە گۇلجان ءماۋىتحاننىڭ تۋعان ءىنىسى مۇقيتيات ءماۋىتحاننىڭ ۇستىنەن: "تەرگەۋ كەزىندەگى جاۋابى مەن سوت وتىرىسىنداعى ءسوزى ەكى بولەك بولدى" دەپ قىلمىستىق ءىس قوزعاعان بولاتىن. سونداي-اق، 68 مىڭ تەڭگە ايىپپۇل سالىپ، قالعان 40 مىڭ دوللاردى مەملەكەتكە كىرىس رەتىندە شەشكەن ەدى.
10 ءساۋىر كۇنى گۇلجان ءماۋىتحان قىزى زايسان اۋداندىق سوتىنىڭ شەشىمىنە كەلىسپەي، شقو سوتىنا اپەللياسيالىق شاعىم تۇسىرگەن بولاتىن. وسى شاعىم بويىنشا 1 ماۋسىمعا بەلگىلەنگەن سوت وتىرىسىندا بارلىق جابىرلەنۋشىلەردەن جاۋاپ الىنىپ، سوتتىڭ شەشىمى كەشە كەشكى 17.00-دە جاريالانۋى كەرەك-تىن.
الايدا ايىپتاۋشى تاراپ قىتاي-قازاقستان شەكاراسىنان ءوتۋ كەزىندە جابىرلەنۋشىلەردەن «ءىرى كولەمدە قارجى الىپ وتپەك بولدى» دەگەن ايىپپەن ەكىنشى رەت جاۋاپ الۋ بارىسىنا قاتىسقان اۋدارماشىنىڭ سوت وتىرىسىنا كەلۋىن ءوتىندى. سول سەبەپتى سوت وتىرىسى بۇگىن ساعات 13.00-گە شەگەرىلدى.
وسى ورايدا ايتا كەتەيىك، اتالعان ءىس بويىنشا تەرگەۋ بارىسىندا ءبىرىنشى جاۋاپ الۋ كەزىندە جابىرلەنۋشىلەرگە اۋدارماشى ۇسىنىلماعان.
دەرەككوز: Baq.kz
https://youtu.be/TmfJXGPROQQ
