Qurylys jumystary shildeniń ortasynanyn beri qyzý júrip jatyr. Josparǵa sáikes qyrkúiekte baspanalardy ótkizip berý kerek. Alaida, qolǵa alynǵan jumysqa indet birshama kederigi keltirgenin aita ketýimiz kerek. Desek te, qurylysshylar barlyq jumysty qarasha aiyna deiin bárin aiaqtaýdy kózdep otyr.
Jalpy, munda salynyp jatqan 1-2 páterler úiler. Árqaisysy 44-73 sharshy metrden ainalady. Turǵyndar qolailyǵy jaǵdai týǵyzý úshin qos úidiń ainalasy abattandyrylýda. Balalardyń oiyn alańdary, tynyǵý oryndarý, sporttyq jabdyqtar qarastyrylǵan. 5 qabatty eki turǵyn úidi salýǵa 1 mlrd 32 mln teńgege bólingenin aita ketýimiz kerek.
Jalpy, Qazaq-qytai shekarasyndaǵy aýmaqty damytý 2013 jyly qolǵa alynǵan bolatyn. Alǵashqyda munda 50 tútin ǵana bolsa, qazir 3000-nan asa halyq turady. Endi on jyldan soń mundaǵy halyq sany 50 myńǵa jetedi dep kútilýde.
Munda negizinen temir jol, keden, erkin ekonomikalyq aimaqta jumys isteitin mamandar turatyn bolady. Qalashyqtyń jalpy aýdany – 1460 gektar.
Bas josparǵa sáikes munda 600 balaǵa arnalǵan mektep, 240 oryndyq balabaqsha bar. Áleýmettik nysandar qatary áli de tolyǵady. Keler jyly 80 páterli taǵy eki úi salynbaqshy. Baspanalardyń jobalyq-smetalyq qujattary jyl sońynda ázirlenbek. Aimaqty damtyýdyń josparlarymen aýdandyq qurylys bóliminiń basshysy Baýyrjan Ermoldaev bólise ketti.
– Qazirgi 60 páterli eki baspana azamattar suranysy boiynsha salynýda. Daiyn bolǵanda bul úiler muqtaj jandar men kópbalaly, az qamtylǵan, kezekte turǵandarǵa úlestiriledi. Almaty oblysy ákimi tapsyrmasyna sáikes, azamattardyń qolaily ómir súrýin qamtamasyz etý maqsatynda munda barlyq qajettilik qarastyrylǵan, – dep atap ótti.
