Túrkistan oblysynyń ákimi Darhan Satybaldy Saryaǵash aýdanyndaǵy «Jibek joly» keden beketin retke keltirý boıynsha jaýapty sala basshylarymen kezdesti. Bul baǵytta kezeń-kezeńimen aýqymdy jumystar júzege aspaq. Jınalysta osy maqsatta júzege asyrylatyn Túrkistan oblysynyń qurylys, sáýlet jáne qala qurylysy basqarmasynyń jobasy jan-jaqty zerdelendi, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Qazaqstan men Ózbekstan arasyndaǵy jolaýshylar aǵymy jáne júk kólikteri qozǵalysy úshin asa mańyzdy beket táýlik boıy jumys isteıdi. Shekara aımaǵyndaǵy ınfraqurylymdy, avtoturaqtardy retteý, qyzmet kóretý oryndaryn retteý, jolaýshylar men turǵyndarǵa qolaıly jaǵdaı jasaý, kógaldandyrý, sanıtarlyq-epıdemıologıalyq jaǵdaıyn retke keltirý, baǵytynda jumystar jalǵasady. 

Saryaǵash aýdanyndaǵy «Jibek joly» keden beketi - tek Qazaqstan men Ózbekstan shekarasynda ǵana emes, Orta Azıadaǵy eń iri keden beketteriniń biri sanalady. Kún saıyn shekaradan 40 myńǵa deıin jolaýshy, 1200 jeńil avtomobıl jáne avtobýs ótedi. Ótkizý pýnktiniń eseptik ótkizý qabileti táýligine 17 500 adamdy qurasa, adamdardyń naqty aǵyny 2,5 eseden asady. Ótken jyly ótkizý pýnkti arqyly 8 mln adam ótken.