Aýyl sharýashylyǵy ministrligin jii synǵa alyp júrgen sarapshy Kirill Pavlov ózine "jalǵan aqparat taratty" degen aiyp taǵylǵanyn málimdedi, dep habarlaidy Dalanews.kz.
Onyń aitýynsha, áleýmettik jelidegi paraqshalarynda egis alqaptaryna qaýip tóndirip jatqan shegirtkeler týraly birneshe jazba jariialaǵannan keiin, oǵan QR Qylmystyq kodeksiniń 456-2-baby, 3-bóligi boiynsha ákimshilik hattama toltyrylyp, sotqa shaqyrý qaǵazy kelgen.
Sarapshynyń jazýynsha, Aýyl sharýashylyǵy ministrligi shegirtke shabýylynan Qazaqstan boiynsha 2,1 mln gektar jer zardap shekken dep kórsetken.
Alaida Pavlov Jambyl oblysynyń ózinde ǵana aziialyq shegirtkeniń taralý aýmaǵy 2,6 mln gektarǵa jetkenin atap ótti.
"Bul – jai boljam nemese joramal emes. Bul – uzaq ýaqyt júrgizilgen baqylaýlarǵa, arhivtik derekterge, spýtniktik sýretterge jáne naqty kóshi-qon baǵyttaryna negizdelgen aqparat. Atalǵan aimaqtar shegirtke kesirinen jyl saiyn zardap shegip keledi", – dep jazdy Kirill Pavlov.
