Búgin Nur-Sultan qalasynyń «Alaý» muz aıdynynda (Qabanbaı batyr dańǵyly, 47) shaıbaly hokeıden QR Tótenshe jaǵdaılar mınıstrliginiń kýbogi bastaldy. Shara el Táýelsizdiginiń 30 jyldyǵyna oraı uıymdastyrylýda, – dep habarlaıdy Dalanews.kz mınıstrliktiń baspasóz qyzmetine silteme jasap.

Saltanatty ashylý rásimine QR Tótenshe jaǵdaılar mınıstri Iýrıı Ilın, elordalyq TJ departamenti garnızonynyń basshylyǵy men jeke quramy, jarysqa qatysýshylar qatysty.

Týrnırde Nur-Sultan qalasy, Aqtóbe jáne Soltústik Qazaqstan oblystary TJ departamentteriniń, sondaı-aq QR İİM Soltústik Qazaqstan oblysynyń Mamandandyrylǵan kúzet qyzmeti basqarmasynyń komandalary qatysyp, baqtaryn synaıdy.