Sonymen qatar, aýdan ortalyǵy Shaian aýylynda 55 gektar jer teliminiń injenerlik-kommýnikatsiialyq infraqurylymynyń lentasy qiyldy. Saltanatty sharada aýdan ákimi B.Tanagózov turǵyndardyń qýanyshymen bólisti. Bul igi ister Memleket basshysynyń sarabdal saiasaty men oblys ákimdiginiń júieli jumysynyń arqasynda atqarylǵany aityldy.
20 turǵyn úidiń birin ielengen jalǵyz basty qart ana L.Berezovskaia men aýdandyq ortalyq aýrýhananyń dárigeri J.Beisenov aýdan basshylyǵyna óz alǵystaryn bildirip, baspanalaryna qonaqqa shaqyrdy. Bul úiler «Astananyń 20 jyldyǵyna – 20 nysan» aktsiiasy aiasynda ashylyp otyr.
Al, «Nurly jer» baǵdarlamasy aiasynda azamattardy jeke turǵyn úige qajetti jer telimderimen qamtamasyz etý maqsatynda qurylysy júrgizilgen 55 gektar jer teliminiń injenerlik kommýnikatsiialyq infraqurylymynda 326 ýchaske belgilengen. Endi Shaian aýyldyq okrýgindegi kezekte turǵan 1020 turǵynnyń 326-y osy jer telimimen qamtamasyz etiletin boldy. Sonymen qatar, sol ýchaskede bas josparǵa sáikes, mektep pen balabaqsha boi kóteredi. Atalǵan jer ýchaskesinde aiaq jol jáne avtokólik joldary, sýaǵarlar salynǵan, aýyz sý qubyry tartylyp, elektr energiiasymen qamtamasyz etilgen. Aldaǵy ýaqytta osy aýmaqta shańa shaǵynaýdan paida bolǵaly tur.
Aldaǵy ýaqytta aýdan ortalyǵynda bas josparǵa sáikes taǵy da 100 gektar jerge injenerlik-kommýnikatsiialyq infraqurylymynyń qurylysy júrgizilip, kezekte turǵan azamattarǵa berilmek.
