Shardaralyq diqan innovatsiialyq ádispen 33 gektarǵa piiaz ekti
Sharýanyń aitýynsha, bul tehnologiia bir mezette birneshe jumysty atqaryp shyǵady eken. Birinshiden túiir kesek qaldyrmai úgitilgen topyraqqa 3 sm-den tuqym tastasa, ekinshiden tamshylatyp sýaratyn sý tútigin qosa kómip ketedi. Sapasy joǵary gollandtyq piiazdyń tuqymy birkelki egilgendikten shyǵymy da túgel bolady.
«Bir gektarǵa 5 kelidei tuqym ketedi. Jańa tehnologiiany endirýdiń arqasynda shyǵyn kólemi burynǵydan 5 ese azaiyp, esesine ónimdilik arta tústi. Ótken jyly ár gektaryna 100 tonnadan ónim aldyq», - dedi «Turar» aýyl sharýashylyǵynyń tóraǵasy Iýrii An.
Biyl jalpy shardaralyq diqandar 59 300 gektar alqapqa egin ekpek. Al aýyl sharýashylyǵy daqyldaryn ártaraptandyrý maqsatynda osy jyly byltyrǵy 2017 jylmen salystyrǵanda jazdyq arpa 1573 gektardan 2000 gektarǵa, kúrish 896 gektardan 1200 gektarǵa, dándik júgeri 2723,7 gektardan 6400 gektarǵa, jańa jońyshqa 4484 gektardan 5000 gektarǵa, baqsha 8815,3 gektardan 11050 gektarǵa, bir jyldyq jáne kóp jyldyq mal azyqtyq daqyldary 22365 gektardan 24358 gektarǵa ulǵaitý mejelenýde. Kerisinshe maqta daqylyn egý 20460 gektardan 12000 gektarǵa deiin azaiyp otyr.
Sharýashylyqtyń tuqym sebý jumysymen tanysqan aýdan ákimi Bolatbek Qystaýov jańa tehnologiiamen egin egý - sharýa shyǵynyn azaita otyryp, mol ónim alýǵa qol jetkizetinin atap ótti.
«Turar» aýyl sharýashylyǵy óndiristik kooperativinde jańa ádispen egin egýdi bastap jatyr. Ozyq tehnologiiany paidalaný degenimiz – sharýa shyǵynyn azaita otyryp, mol ónim alýǵa qol jetkizý ekeni belgili. Iýra baýyrymyz byltyr joǵary jetistikke qol jetkizgen, biyl da sol biikten kórinemiz dep senemiz. Bul sharýashylyq piiazdan bólek taǵy da 33 gektar alqapqa maqta daqylyn, 10 gektar alqapqa baqsha daqyldaryn tamshylatyp sýarý ádisimen egýdi josparlap otyr. Qazirgi tańda memleket tarapynan qoiylyp otyrǵan mindettiń biri – aýyl sharýashylyǵy salasyn ártaraptandyrý. Iaǵni, aýyspaly egisti saqtai otyryp, diqandarymyz tabysy mol daqyl túrlerin egýdi qolǵa alý kerek. Bul baǵytta tiisti jumystar júrgizilip jatyr, - dedi aýdan basshysy.
Qazirgi kúni diqan qaýymy jer jyrtý jumysyn aiaqtap, sor shaiý, ylǵaldandyrý jumystarymen ainalysýda. Al aýdan ákiminiń ókimimen «Aýdanda 2018 jylǵy kóktemgi dala jumystaryna járdemdesý jónindegi» aýdandyq shtab quryldy. Búgingi tańda aýdanda traktorlardyń 941 danasy kóktemgi dala jumystaryna tartylýda.
OQO ákiminiń baspasóz qyzmeti
