Shardara qalasyndaǵy Sport kesheninde eresekter arasynda qazaq kúresinen Túrkistan oblysynyń İİİ spartakıadasy ótti. Atalǵan jarysqa oblystan 12 komanda baqtaryn synady, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Altynnan alqany 55 kg salmaqta Saıat Chapaı, 82 kg salmaqta Rýslan Allaberdi, 100 kg salmaqta Qaısar Shamshıdınov ıelendi.

Kúmis júldeni 90 kg salmaqta Zeıin Beısenbaı jáne +100 kg salmaqta Kenesary Orynbasar enshiledi.

Qola júldeni 60 kg salmaqta Azamat Aıdynǵalı, 66 kg salmaqta Qabylbek Nurmanov, 74 kg salmaqta Musa Mekenbaı jáne túıe palýan kúresken Erbolat Esenbaev qanjyǵasyna baılady.



Osy jarystyń úzdik sportshysy bolý Musa Mekenbaıǵa buıyrdy.

Jalpy komandalyq esepte 1 oryndy Shardara aýdany, 2 oryndy Otyrar aýdany, 3 oryndy Ordabasy aýdany ıelendi.