Shardara aýdany balyq óńdeý boiynsha oblys kóleminde kósh bastaýshy aimaq ekeni belgili. Búginde aýdanda jylyna 5 myń tonnadan astam balyq ónimin óndirýge qaýqarly 4 balyq óńdeý zaýyty bar. Bul kásiporyndar jyl basynan beri 1,3 mlrd. teńge bolatyn 1300 tonna balyq óńdep, onyń 80 paiyzyn Resei, Germaniia, Izrail, Grýziia jáne Ózbekstan syndy elderge eksporttalsa, 20 paiyzyn ishki naryqqa saýdalaýda.
Shardara aýdanynyń áleýmettik-ekonomikalyq ahýalymen tanysý maqsatynda arnaiy jumys saparymen barǵan Ońtústik Qazaqstan oblysynyń ákimi Janseiit Túimebaev balyq sharýashylyǵymen ainalysatyn «Hamit» aýylsharýashylyǵy óndiristik kooperativinde boldy.
Balyq óńdeý zaýytynyń protsesimen tanysqan aimaq basshysy bul sharýashylyqta koopertivter qurý arqyly ónimniń kólemin ulǵaitýǵa bolatynyn jetkizdi.
Muzdatylǵan, ystalǵan jáne tuzdalǵan balyq pen file ónimderin shyǵaratyn kásiporynnyń jyldyq qýattylyǵy 2500 tonna. 250 adamǵa jumys taýyp berip otyrǵan bul zaýyt shet memleketterge básekege qabiletti balyq ónimderin shyǵarýmen tanymal.
Kásiporynnyń tynys-tirshiligine jete qanyqqan oblys ákimi atalǵan kásiporynnyń sý qoimasynda ornalasqan torly sharbaqtaǵy balyq ósirý jumysymen de tanys boldy.
Sý qoimada ótken jyly 39 tonna balyq qoldan ósirilip shyqsa, biyl bul kórsetkish eki esege ulǵaitylyp, iaǵni, 80 tonnaǵa deiin jetkizilmek.
Jalpy aýdanda balyqty qoldan ósirý jáne molaitý sharýashylyǵymen ainalysatyn 5 kásiporyn bolsa, olarda búginde 300 tonnaǵa jýyq balyq ósirilip jatyr. Sondai-aq, Shardara aýdanynda aldaǵy ýaqytta balyq óńdeýmen ainalysatyn taǵy da eki shaǵyn kásiporyn ashý josparlanýda.
