Shaǵyn biznesti mindetti múshelik jarnadan bosatý kerek — Prezident
Prezident Úkimettiń keńeitilgen otyrysynda «Atameken» UKP-ny reformalaý kezinde onyń fýnktsionaldyǵyn shaǵyn biznesti qorǵaýǵa baǵyttaý kerek ekenin aitty.
"Áńgime komissiialar, monopolist operatorlardyń, túrli deldaldyń, qajetsiz agentterdiń tarifteri týraly bolyp otyr. Endi bul qyzmetterdi kim tóleidi? Árine, tutynýshy tóleidi. Bul jaǵdailar qabyldanǵan zańdar men qaýlylardyń kesirinen bolyp otyr. Bul jerde memlekettik organdar qoǵam múddesin emes, jekelegen kompaniialardyń múddesin basshylyqqa alatyndai quqyqtyq aktiler jatyr. Qazaqstandyqtardyń ózine jumsai alatyn qarajaty osy kompaniialardyń qaltasyna túsedi", – dedi prezident.
Memleket basshysy Úkimetke osy máselege barynsha nazar aýdarýdy jáne «Atameken» Ulttyq kásipkerler palatasymen birlesip, ár jaǵdaidy zerttep, olardy túzetýdiń naqty sheshimin usynýdy tapsyrdy.
"Búginde otandyq bizneste shaǵyn kompaniialardyń úlesi 90%-dan asady. Palatany reformalaý kezinde onyń fýnktsiiasy shaǵyn kásipkerlikti qoldaýǵa, qorǵaýǵa jáne damytýǵa kóbirek baǵyttalýy kerek. Bul rette shaǵyn kásipkerlik sýbektilerin mindetti múshelik jarnalardan bosatý qajet", – dedi Toqaev.
