Oblys basshysy A. Batalov habarlaǵandai, «Damý» qory, jergilikti biýdjet jáne Kásipkerler Ulttyq palatasy esebinen 5 mlrd. teńgeden astam qarjy bólingen, sonyń ishinde 1,9 mlrd. teńgesi – jergilikti biýdjetten.
– Nátijeli jumyspen qamtý jáne jappai kásipkerlikti damytý baǵdarlamasy sheńberinde shaǵyn neisege 5,3 mlrd. teńge qarastyryldy. Sonyń nátijesinde jumys istep turǵan ShOB sýbektileriniń sany úsh jylda 23 %, jumysshylar sany – 16 %, shyǵarylǵan ónim kólemi – 29 % ósti, – dedi A. Batalov.
Brifing óńir basshysy biylǵy jyly oblysta qyzmet kórsetilgen týrister sany 1,5 mln. adamǵa jetse, sonyń 750 myńy Alakól kóliniń enshisinde ekenin tilge tiek etti.
– Týrizm nysandaryna aparatyn joldardy jóndeý – týrizmdi damytýdyńbasty baǵyttarynyń biri. Máselen, Kólsai kólderine, Aqsai shatqalyna, Shonjy aýylyndaǵy ystyq sý bastaýlaryna deiingi joldar jóndelip jatyr. Sol siiaqty Alakól kóli jaǵalaýynyń infraqurylymyn damytýǵa jergilikti biýdjetten 2,6 mlrd. teńge baǵyttalyp otyr, – dedi A. Batalov.
Brifing barysynda aitylǵanyndai, Alakólge aparatyn temir jol bailanysy uiymdastyrylyp, biylǵy jyly Úsharal qalasynda áýejai salynyp, jumys istedi. Endi temir jol vokzalynyń qurylysy bastalǵan.
Qyzmet kórsetý sapasy jaǵynan sheteldik nysandardan bir de bir kem túspeitin úsh birdei iri demalys aimaqtary salyndy. Jalpy, oblys boiynsha sońǵy úsh jylda kórsetilgen aqyly týristik-saýyqtyrý qyzmeti 40 % ósip, 5,5, mlrd. teńgege jetti.
Almaty oblysy ákimi A.Batalovtyń Ortalyq kommýnikatsiialar qyzmetindegi brefingi
https://dalanews.kz/31752
