وبلىس باسشىسى ا. باتالوۆ حابارلاعانداي، «دامۋ» قورى، جەرگىلىكتى بيۋدجەت جانە كاسىپكەرلەر ۇلتتىق پالاتاسى ەسەبىنەن 5 ملرد. تەڭگەدەن استام قارجى بولىنگەن، سونىڭ ىشىندە 1،9 ملرد. تەڭگەسى – جەرگىلىكتى بيۋدجەتتەن.
– ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى شەڭبەرىندە شاعىن نەيسەگە 5،3 ملرد. تەڭگە قاراستىرىلدى. سونىڭ ناتيجەسىندە جۇمىس ىستەپ تۇرعان شوب سۋبەكتىلەرىنىڭ سانى ءۇش جىلدا 23 %، جۇمىسشىلار سانى – 16 %، شىعارىلعان ءونىم كولەمى – 29 % ءوستى، – دەدى ا. باتالوۆ.
بريفينگ ءوڭىر باسشىسى بيىلعى جىلى وبلىستا قىزمەت كورسەتىلگەن تۋريستەر سانى 1،5 ملن. ادامعا جەتسە، سونىڭ 750 مىڭى الاكول كولىنىڭ ەنشىسىندە ەكەنىن تىلگە تيەك ەتتى.
– تۋريزم نىساندارىنا اپاراتىن جولداردى جوندەۋ – ءتۋريزمدى دامىتۋدىڭباستى باعىتتارىنىڭ ءبىرى. ماسەلەن، كولساي كولدەرىنە، اقساي شاتقالىنا، شونجى اۋىلىنداعى ىستىق سۋ باستاۋلارىنا دەيىنگى جولدار جوندەلىپ جاتىر. سول سياقتى الاكول كولى جاعالاۋىنىڭ ينفراقۇرىلىمىن دامىتۋعا جەرگىلىكتى بيۋدجەتتەن 2،6 ملرد. تەڭگە باعىتتالىپ وتىر، – دەدى ا. باتالوۆ.
بريفينگ بارىسىندا ايتىلعانىنداي، الاكولگە اپاراتىن تەمىر جول بايلانىسى ۇيىمداستىرىلىپ، بيىلعى جىلى ءۇشارال قالاسىندا اۋەجاي سالىنىپ، جۇمىس ىستەدى. ەندى تەمىر جول ۆوكزالىنىڭ قۇرىلىسى باستالعان.
قىزمەت كورسەتۋ ساپاسى جاعىنان شەتەلدىك نىسانداردان ءبىر دە ءبىر كەم تۇسپەيتىن ءۇش بىردەي ءىرى دەمالىس ايماقتارى سالىندى. جالپى، وبلىس بويىنشا سوڭعى ءۇش جىلدا كورسەتىلگەن اقىلى تۋريستىك-ساۋىقتىرۋ قىزمەتى 40 % ءوسىپ، 5،5، ملرد. تەڭگەگە جەتتى.
الماتى وبلىسى اكىمى ا.باتالوۆتىڭ ورتالىق كوممۋنيكاسيالار قىزمەتىندەگى برەفينگى
https://dalanews.kz/31752
