Sheteldik ata-ananyń tárbiesinde ósken Jánibek áleýmettik jelidegi paraqshasynda oqyrmandaryna úndeý jasap, biologiialyq anasyn izdeý jumystary áli de jalǵasyp jatqanyn habarlady, dep jazady dalanews.kz.
Ol jazbasynda kópshilikke jyly lebizin bildirip, jazǵy demalystary men aldaǵy josparlary týraly surady. Sondai-aq 2025 jyldyń jeltoqsanynda álemdegi eń tanymal ári tereń jabyq daiving basseinderiniń biri – Deep Dive Dubai ortalyǵyna shaqyrylǵanyn aitty.
"Eger aralaryńyzda ol jerge barýdy josparlap, jeńildik kodyn paidalanǵysy keletinder bolsa, qýana kómektesemin", – dep jazdy Jánibek.
Ol aldaǵy ýaqytta áleýmettik jelidegi paraqshasynda jańa ári qyzyqty jariialanymdaryn bólisetinin jetkizdi.
Sonymen qatar Jánibek biologiialyq anasyn izdeýdi toqtatpaǵanyn atap ótti. Onyń aitýynsha, kópshilikke jariialaýǵa bolatyn jańa derekter paida bolǵan jaǵdaida, bul týraly oqyrmandaryna mindetti túrde habarlaidy.
"Biologiialyq anamdy izdeýim áli de jalǵasyp jatyr. Eger bólisýge bolatyn jańa aqparat paida bolsa, sol týraly da mindetti túrde jariialaimyn. Barshańyzǵa tamasha jaz tileimin", – dep jazdy ol.
