شەتەلدٸك اتا-انانىڭ تەربيەسٸندە ٶسكەن جەنٸبەك ەلەۋمەتتٸك جەلٸدەگٸ پاراقشاسىندا وقىرماندارىنا ٷندەۋ جاساپ, بيولوگييالىق اناسىن ٸزدەۋ جۇمىستارى ەلٸ دە جالعاسىپ جاتقانىن حابارلادى, دەپ جازادى dalanews.kz.
ول جازباسىندا كٶپشٸلٸككە جىلى لەبٸزٸن بٸلدٸرٸپ, جازعى دەمالىستارى مەن الداعى جوسپارلارى تۋرالى سۇرادى. سونداي-اق 2025 جىلدىڭ جەلتوقسانىندا ەلەمدەگٸ ەڭ تانىمال ەرٸ تەرەڭ جابىق دايۆينگ باسسەيندەرٸنٸڭ بٸرٸ – Deep Dive Dubai ورتالىعىنا شاقىرىلعانىن ايتتى.
"ەگەر ارالارىڭىزدا ول جەرگە بارۋدى جوسپارلاپ, جەڭٸلدٸك كودىن پايدالانعىسى كەلەتٸندەر بولسا, قۋانا كٶمەكتەسەمٸن", – دەپ جازدى جەنٸبەك.
ول الداعى ۋاقىتتا ەلەۋمەتتٸك جەلٸدەگٸ پاراقشاسىندا جاڭا ەرٸ قىزىقتى جارييالانىمدارىن بٶلٸسەتٸنٸن جەتكٸزدٸ.
سونىمەن قاتار جەنٸبەك بيولوگييالىق اناسىن ٸزدەۋدٸ توقتاتپاعانىن اتاپ ٶتتٸ. ونىڭ ايتۋىنشا, كٶپشٸلٸككە جارييالاۋعا بولاتىن جاڭا دەرەكتەر پايدا بولعان جاعدايدا, بۇل تۋرالى وقىرماندارىنا مٸندەتتٸ تٷردە حابارلايدى.
"بيولوگييالىق انامدى ٸزدەۋٸم ەلٸ دە جالعاسىپ جاتىر. ەگەر بٶلٸسۋگە بولاتىن جاڭا اقپارات پايدا بولسا, سول تۋرالى دا مٸندەتتٸ تٷردە جارييالايمىن. بارشاڭىزعا تاماشا جاز تٸلەيمٸن", – دەپ جازدى ول.
