Almaty oblysy politsiia departamenti bastyǵynyń burynǵy birinshi orynbasary Serik Shalqarov Aqtóbe oblystyq politsiia departamentine qyzmetke ornalasty, dep habarlaidy dalanews.kz.
Buǵan deiin ProKadryKZ Telegram arnasy Shalqarovtyń Aqtóbe oblysy politsiia departamenti bastyǵynyń birinshi orynbasary qyzmetine taǵaiyndalǵanyn habarlaǵan edi. Keiin bul aqparatty Aqtóbe oblystyq PD-nyń baspasóz qyzmeti rastady.
Eske salaiyq, Serik Shalqarov Almaty oblysy politsiia departamentindegi qyzmetinen 2024 jyldyń qazan aiynda ketken bolatyn. Bul jaǵdai Talǵardaǵy Sherzat Bolattyń óliminen keiin birneshe apta ótken soń bolǵan.
Sol kezde Ishki ister ministriniń buiryǵymen birqatar laýazymdy tulǵa qyzmetinen bosatylǵan edi. Olardyń qatarynda Almaty oblysy PD bastyǵynyń birinshi orynbasary Serik Shalqarov, Talǵar aýdany politsiia basqarmasynyń bastyǵy Nurjan Kúntúnov, sondai-aq PD ekstremizmge qarsy kúres basqarmasynyń bastyǵy Ulan Baitaqov jáne basqa da qyzmetkerler bolǵan.
Endi Serik Shalqarov Aqtóbe oblystyq politsiia departamentinde basshylyq qyzmet atqarady.
