Serjanttar keńesinde Túımebaı eldi mekeninde ornalasqan 78460 áskerı bólimi bazasynda ótkizilgen Áýe qorǵanysy kúshteriniń baza jáne brıgada serjanttarynyń komandırlik daıarlyqtaryn qorytyndylaý, serjanttar quramynyń jaýyngerlik daıarlyqtaǵy, onyń ishinde atys daıyndyǵyn is júzinde oryndaýdaǵy róli men orny jáne serjanttar quramynyń áskerı tártipti nyǵaıtýdaǵy úlesi jáne áskerı tártipti nyǵaıtýdaǵy barlyq sanattaǵy serjanttar quramynyń İs-qımyl algorıtmin engizý máselesi qaraldy.
Ótkizilgen serjanttar keńesiniń otyrysy barlyq brıgada, baza serjanttaryna jańa baǵyt-baǵdar, bastama bere otyryp, 2018 oqý jylyna «Uly dala áskeri – Mángilik el tiregi» atty jaýyngerlik saıys uranymen alǵa qoıylǵan tapsyrmalardy oryndaýǵa kúsh jiger berdi.
Osylaısha, kásibı serjanttar quramy ózderine baǵynysty serjanttar men sarbazdar quramyn jaýyngerlik daıarlyqta joǵary dengeıde oqytyp úıretýge daıyn ekendikterine kóz jetkizdi.
Elimizdiń aspanyn qorǵaıtyn Áýe qorǵanysy kúshteriniń jeke quramy Qazakstan Respýblıkasynyń Prezıdenti – Qarýly Kúshterdiń Joǵarǵy Bas qolbasshysy
N.Á.Nazarbaevtyń Qarýly Kúshterdiń aldyna qoıǵan tapsyrmalaryn múltiksiz oryndaýǵa daıyn.
