Serikjan Bilásh búkil qazaqtyń qabyrǵasyn qaiystyrǵan qaiǵyly oqiǵaǵa qatysty kórgensizdik tanytyp, halyqtyń ashýyn keltirdi, dep habarlaidy Dala News.
Áleýmettik jelide jariialaǵan beinejazbasynda ol jer qoinaýyna keshe ǵana tabystalǵan qazaqtyń kórnekti aqyny, jazýshy, dramatýrg, qoǵam qairatkeri Muhtar Shahanovty qorlaityn ádepsiz pikir bildirgen.
«Qaitys bolsa, ne bolypty, dúnie qulap qalypty ma, jer shary toqtap qalyp pa, kún batystan shyǵyp pa, ne bolyp qalypty sonshama?! Bir arsyz aqyn óldi. Qolyna qalam ustap, qaǵaz kemirip, birneshe shýmaq óleń jazǵan, qoldan jasalǵan tulǵa», – dep til tigizdi jazýshyǵa Serikjan Bilásh.
AQSh-ta júrgen «Atajurt» uiymynyń jetekshisi «endi ne aitamyn, kórdim de qurysyn, óte arsyz, uiatsyz, eki bettei jalaqor adam dúnieden ozdy, boldy, basqa aitarym joq», – dep qazaqtyń birtýar aqynyna kir keltirgen.
Halyqtyń yzasyna tigen Serikjan Biláshtiń videosy áleýmettik jelilerde talqylanyp, paidalanýshylar tarapynan synǵa alyndy. Jeli qoldanýshylary «Ne degen sumdyq», «Biláshtiń bul tirligi adamdyqqa da, arǵa da syn», «Uiat-ai, masqara», «Serikjan sóilei-sóilei bádikke ainaldy», «Sekeńdi sekeńdetip jiberý kerek», «Osy nemeniń internetin óshirip tastaityn jaqsy adam bar ma» jáne basqa da pikir qaldyrǵan.
Áleýmettik jeli paidalanýshylarynyń pikirinshe, Serikjan Bilásh marqum bolǵan kórnekti aqynnyń tyrnaǵyna da tatymaidy, sondyqtan ekeýin salystyrýdyń da qajeti joq. Arandatýshynyń áreketine ashýlanǵan halyq Muhtar Shahanovtyń qaisar minezi men ór rýhy, eldik múdde aldyndaǵy adaldyǵy eshqashan umytylmaitynyn atap ótip, Serikjan Biláshqa el shekarasyn attap baspaýǵa keńes berdi.
Esterińizge sala keteiik, 19 sáýir kúni 84 jasqa qaraǵan shaǵynda aqyn, dramatýrg, qoǵam qairatkeri, Qazaqstannyń Halyq jazýshysy, Eńbek eri Muhtar Shahanovtyń dúnieden ótti. Shoqtyǵy biik tulǵa Túrkistan oblysynyń Otyrar aýdanynda 22 sáýir kúni jerlenedi.
