Á.Kekilbaiuly atyndaǵy oblystyq tarihi-ólketaný mýzeiinde ótken kezdesýge elimizdegi qazirgi aitys óneriniń alǵashqy uiymdastyrýshysy Júrsin Erman, qazylar alqasynyń tóraǵasy Svetqali Nurjan, QR Jazýshylar odaǵy tóraǵasynyń orynbasary Ǵalym Jailybai, belgili aitysker aqyn, BQO Qadyr Myrza Áli atyndaǵy Mádeniet jáne óner ortalyǵynyń direktory Baýyrjan Haliolla jáne Rústem Qaiyrtaiuly, Jansaia Mýsina, Aspanbek Shuǵataev, Shalqarbai Izbasarov, Nurlan Musaev syndy birqatar aqyndar qatysty.
Oblys ákimi «Nur Otan» partiiasynyń qoldaýymen «Ulttyq mura» baǵdarlamasy aiasynda ótkizgeli otyrǵan sharaǵa at salysyp, úles qosýǵa niet bildirgen aqyndarǵa alǵysyn aitty.
– Aitys – atadan balaǵa miras bolyp kelgen, halqymyzdyń rýhani mádenietiniń biri. O bastan halyq arasynda júrgen aqyndar eldi yntymaq pen tatýlyqqa, birlik pen berekege shaqyryp jyrlaryna qosqan. Aqyn jyrlarynyń arqaýy – izgilik, eldik, birlik bolǵan. Táýelsizdiktiń 30-shy jylyna aiaq bastyq. Táýelsizdikten tátti, azattyqtan asyl ne bar?! Biz úshin budan artyq bailyǵymyz da, baǵymyz da joq. Olai bolsa, búgin Táýelsizdikke degen eń shyraily sezimder men shuraily sózderdiń aqtarylar kúni. Eńseli elimizdiń 30 jylda jetken tabysynyń jyrmen tógiler kúni. Osynaý aitys merekesinde sizderge sáttilik tileimin, – dedi S.Trumov.
Kezdesý sońynda qonaqtarǵa «360 áýlieli Mańǵystaý» kitaby tartý etildi.
«Táý eterim – Táýelsizdik!» atty respýblikalyq aqyndara aitysy mamyrdyń 26-27 kúnderi ótedi. Sóz óneriniń dodasyna elimizdiń ár óńirinen 18 aqyn qatysady. Aitysty Qazaqstannyń eńbek sińirgen qairatkeri J.Erman júrgizedi. Shara óńirdegi epidemiologiialyq ahýalǵa bailanysty sanitarlyq talaptar saqtala otyra ótkiziledi. Aitystyń televiziialyq tolyq nusqasy aldaǵy kúnderi «Mańǵystaý» telearnasynan kórsetiledi.
