Memleket jáne qoǵam qaýipsizdigin qamtamasyz etý máseleleri boiynsha arnaiy óńirimizge kelgen delegattardy oblys ákimi Janseiit Túimebaev kútip aldy. Jumys tobynyń quramynda komitet músheleri senatorlar I.Adyrbekov, M.Altynbaev, N.Ábiqaev, S.Jaqsybekov, L.Qiynov, G.Kim bar.
Jumysshy top eń aldymen Qazaqstan Qarýly Kúshteriniń Shymkent garnizonynda bolyp, jeke quramnyń kúndelikti tynys-tirshiligimen tanysty. Sondai-aq, aviatsiialyq bazanyń áskeri bólimderindegi jaýyngerlik kezekshiliktiń uiymdastyrylýyn, Sý-25, MiG-29 ushaqtary men Mi-17, Mi-171Sh jáne Mi-35M tikushaqtary turǵan áýe shabýylyna qarsy qorǵanys áskerlerin kórip shyǵyp, Shekara qyzmeti bólimsheleriniń jaýyngerlik ázirligi máselelerin zerdeledi.
Senatorlar sonymen qosa, radiotehnikalyq jáne zenittik zymyran eseptoptary men áskeri aviatsiia ekipajdarynyń jaýyngerlik múmkinshilikterin tamashalady.
Shymkent garnizonynyń jumysymen tanysqan jumysshy top Áýe qorǵanysy kúshteriniń Shekara qyzmeti jáne áýe qozǵalysy organdarymen ózara is-qimyldyń jaqsy uiymdastyrylǵanyn atap ótti.
Osy kúni, delegattar QR Ulttyq ulany «Ońtústik» óńirlik qolbasshylyǵynyń Shymkent qalasyndaǵy 6506 áskeri bóliminiń jumysymen tanysty. Onda olar jaýyngerlik qyzmeti men áskerdiń jeke quramyna júktelgen quqyq qorǵaý mindetterin jáne tehnikanyń, qarý-jaraq pen qorǵaý quraldarynyń jańa úlgilerin aralap kórdi. «Jas búrkit» áskeri-patriottyq klýbynyń jaýyngerlik ádis-tásilderinen qoiylymdar tamashalap, Ishki áskerdiń 1995 jyly tájik-aýǵan shekarasynda qaza tapqan jaýjúrek 17 jaýyngeriniń eskertkishine taǵzym jasady.
Aita keteiik, Dariǵa Nazarbaeva bastaǵan jumysshy top oblysqa jasaǵan eki kúndik saparynda S.Rahimov atyndaǵy «Jas ulan» respýblikalyq áskeri mektebinde jáne Ońtústik Qazaqstan aýmaǵyndaǵy kedendik beketterdiń jumysymen tanysý josparlanýda.
OQO ákiminiń baspasóz qyzmeti
