Senator Ásem Rahmetova Qazaqstan men Resei arasyndaǵy qarym-qatynasqa bailanysty óz oiyn ortaǵa saldy, dep jazady Dalanews.kz.
Senat depýtaty Resei Prezidenti Vladimir Pýtinniń elimizge memlekettik saparmen kelýin ekijaqty yntymaqtastyq úshin mańyzdy oqiǵa dep baǵalady.
"Osy aptada Vladimir Pýtin Qazaqstanǵa úlken delegatsiiamen keldi. Eki el basshylary biyl birneshe ret kezdeskenimen, bul sapardyń ereksheligi – onyń memlekettik deńgeide ótýi. Memlekettik sapar árqashan erekshe rólge ie. Bul joly shaǵyn jáne keńeitilgen formatta kelissózder uiymdastyryldy. Sonymen qatar delegatsiia músheleri Astanadaǵy birqatar óndiristik jáne áleýmettik nysandardy aralap, naqty kelisimderge qol qoiyldy. Ár salada odaqtastyq qarym-qatynasty tereńdetý úshin ortaq niet bildirildi", – dedi senator Baq.kz portalyna.
Onyń aitýynsha, Qazaqstan men Resei arasyndaǵy ózara bailanys saýda, óndiris, qaýipsizdik jáne áleýmettik máselelerdi qamtityn keń aýqymdy seriktestikke negizdelgen.
"Bizdi 7500 shaqyrymdyq ortaq shekara ǵana emes, tyǵyz bailanysqan taǵdyr da biriktiredi. Eki elde týystary men jaqyndary turatyn adamdar az emes. Biri – tarihi Otanyna oralsa, endi biri balalaryn shetelde oqytýda. Osyndai kezdesýler halyqtyń ortaq múddelerin sheshýge yqpal etedi. Saýda, óndiris pen qaýipsizdik salalaryndaǵy kúrdeli máselelerdi birlese sheshý qajet. Bul sapar ekijaqty saiasi dialogtyń qarqynyn kúsheitip, eki eldiń de yntymaqtastyqqa degen qyzyǵýshylyǵyn naqty kórsetti", – dep qorytyndylady Ásem Rahmetova.
