Nazarbaeva aqyn Almas Ahmetbekulynyń Tuńǵysh prezıdentke arnaǵan jyr shýmaǵyn áleýmettik jelidegi paraqshasynda jarıalaǵan eken.
QAZAQ ELİ - ÁR QAZAQTYŃ JALǴYZY
"Sen atyrdyń azattyqtyń aq tańyn,
Qolmen túrip kók jıektiń perdesin.
Sebebi sol: bir halyqtyń aspanyn
Ashý úshin myń jyldardan kelgesiń.
Bostandyqqa ábden laıyq uly Elim.
Soqty sol sát azattyqtyń júregi.
Táýelsizdik - jańa týǵan túlegiń
Nárestedeı qos qolyńda tur edi.
Shetinetpeı,
Saqtadyń sen qulatpaı.
Ókinishke uryndyrmaı ótkengi.
Qubylys eń kúnnen tókken shýaqtaı
Topyraqty jylytatyn kóktemgi.
"Qazaq Eli - ár qazaqtyń jalǵyzy!"
Tý jelbirep, jańǵyrtqanda únińdi.
Ultymyzdyń ár jigiti, ár qyzy.
Aınalańa toptasady búgingi.
Otanymnyń árbir qarys-súıemin.
Eppen ustap shyny ydystyń shetindeı.
On myńdaǵan shaqyrymdyq jıegin
Sen bekittiń ýysyńnan ketirmeı.
Jas Otandy alyp óttiń jan sala,
Qıyn sátten
qan qaraıǵan, óń kúlgen.
Jannan qymbat bul Otanǵa qanshama
Qater tóndi
biz bilmegen,
sen bilgen.
Ulyq Otan ǵasyrlarǵa kóshedi.
Táýelsizdik myń urpaqqa dem berip.
Erkindikte ult qaıraty ósedi.
Óshedi tek eserlik pen pendelik.
Nar qýatyń Ult jolyna quıylyp,
Máńgilik El maqsutyna sendirgen,
Jarqyn júziń,
Jan júregiń súıinip,
Qol bulǵaısyń kún qonatyn seńgirden.
Kele jatqan bir shetinen aspannyń
Móldir-móldir sezim sózge umsynsam-
Bastaýy ol - on myń joldyq dastannyń,
Óziń jáıli
Otan jáne
Nursultan!" – dep aıaqtalatyn aqyn óleńi Álıa Nazarbaevaǵa qatty unasa kerek.
"Ákem eliniń muraty men ıgiligi jolynda áli de ter tógip keledi. Men ákemniń tegin maqtanyshpen, zor qurmetpen, abyroımen jáne jaýapkershilikpen alyp júrmin. Qudaıdan onyń uzaq ǵumyr súrýin tileımin”, – deıdi Nazarbaevtyń kishi qyzy.
Sanaýly kúnnen keıin 80-ge tolatyn Nazarbaev byltyrǵy jyldyń naýryzynda oryntaǵyn bosatyp, ony Toqaevqa tapsyrǵan edi.
https://www.instagram.com/p/CCFx2eln4iz/
