Akter ári ánshi Nurlan Álimjanov áriptesi Áigerim Qalaýbaevaǵa jyly lebizin bildirip, ony erekshe baǵalaitynyn aitty, dep habarlaidy dalanews.kz.
Óner ieleri bir-birine degen kózqarasy men sahnadaǵy úilesiminiń syryn ashyq bólisti. Áńgime barysynda Nurlan Álimjanov Áigerimdi aiǵa teńep, ony qatty saǵynatynyn jetkizdi.
"Sen boianbashy deimin. Boianbasań da, sen – aisyń. Alty saǵat qatty saǵyndym. "Aikosh, qalai maǵan jetispei tur" dedim", – dedi akter.
Óz kezeginde Áigerim Qalaýbaeva olardyń arasyndaǵy túsinistik pen úilesimniń sebebin túsindirdi.
"Óitkeni men saǵan baǵynamyn. Tyńdaimyn. Seniń ne sóilep turǵanyńdy ańdyp turamyn. Senen alǵa shyǵyp ketpeýge tyrysamyn. Senen kóp sóilep qoimaýǵa tyrysamyn", – dedi ánshi.
Nurlan Álimjanov áriptesiniń bul jaýabyna rizashylyǵyn bildirip, ázil aralas oiyn aitty.
"Búkil áiel Áigerim siiaqty áreket etetin bolsa, bári baqytty bolyp ketýshi edi. Qazaqstanda ajyrasý atymen bolmas edi", – dedi ol.
Óner iesi bul sózderdiń júrgizýshilikke jáne sahnadaǵy seriktestikke qatysty ekenin ańǵartty. Degenmen ol ómirde de ózara syilastyq pen túsinistik mańyzdy ekenin tuspaldap jetkizdi.
"Sondyqtan biz ajyraspaimyz", – dep Áigerim Qalaýbaeva ázilmen jaýap berdi.
Aita keteiik, Nurlan Álimjanov pen Áigerim Qalaýbaevanyń birge jii kórinýi jelide túrli pikir týǵyzǵan. Buǵan deiin ánshi olardyń qarym-qatynasyna qatysty pikir bildirip, ekeýin «ómirde emes, óner jolynda tabysqan jup» dep sipattaǵan edi.
