Osy maqsatty keler jyly Stepnoı kentinde 300 orynǵa shaqtalǵan, Shyǵys kentinde 1200 orynǵa arnalǵan eki jańa mekteptiń esigi aıqara ashylady.
Bul jaıynda Semeı qalasynyń aımaqtyq komýnıkasıalar qyzmetinde ótken baspasóz-jıynynda qala ákimi Baqytjan Baıahmetov baıan etti.
Sapaly bilim alý jaǵdaıyn teńestirý úshin jáne qaladaǵy oqýshy oryndarynyń defısıtin boldyrmaý maqsatynda keleshekte 2700 orynǵa arnalǵan 5 mektep qurylysy josparlanǵan, Qaraǵaıly yqsham aýdanynda 1 mektep, Vodnyı kentinde – 1, Aqsaı kentinde – 1, Shyǵys kentinde – 1 jáne 1 ınovasıalyq tehnologıa mektebi, – dep habarlady qala ákimi.
Budan bólek, balalardy mektepke deıingi mektepke deıingi tárbıemen jáne bilim berýmen qamtý úshin, memlekettik-jeke seriktestik sheńberinde 2290 orynǵa arnalǵan 9 bala-baqsha qurylysy josparlanǵan. Qaraǵaıly yqsham aýdanynda – 2 (320 orynǵa arnalǵan), Voshod kentinde – 1 (140), Bobrovka kentinde – 1 (320), Shyǵys kentinde (sol jaǵalaý) – 1 (320), Vodnyı kentinde – 1 (90), Shyǵys kentinde (oń jaǵalaý) – 1 (140), Jańa qurylys aýdany – 1 (320) jáne qalanyń ortalyq bóliginde – 1 (320).
Qazirgi ýaqytta mektepke deıingi mekemelerde 2 jastan 3 jasqa deıingi 3 myńǵa jýyq bala kezekte turǵany atap ótildi. 1 jastan 6 jasqa deıingi balalardy tárbıemen jáne bilim berýmen qamtý 76,7%-dy quraıdy.
