Osylaisha ótpeli kezeń jariialandy. Osy rette Semei ákimi men «Semavtopark» ókilderi búgin «Semey Bus» JShS qyzmetkerlerimen kezdesti.
– Men bir jarym jyldan keiin burynǵy kompaniia siiaqty jaǵdaiǵa tap bolǵanymyzdy qalamaimyn. Sondyqtan jalaqyny bir kestege sáikes 300-350 myń aralyǵynda tóleý qarastyrylady. Eger bireý úlken ózge de úlken mashinalarynda jumys istese, olar, árine, qosymsha aqy alady. Kondýktorlarǵa kelsek, biz olarmen de ótpeli kezeńge deiin eki aiǵa kelisimshartqa qol qoiamyz. Jalaqynyń bir keste boiynsha 150-180 myń aralyǵynda tólenýin qarastyramyz.
Barlyǵyn resmi túrde jumysqa ornalastyramyz, resmi túrde jalaqy alyp, óz jumystaryńyzdy, aýdarymdaryńyzdy resmi túrde qaraityn bolasyz. Meniń oiymsha, kez kelgen kompaniianyń basymdyǵy – salyq, – dedi «Semavtopark» JShS Bas direktory Grigorii Pinchýk.
Ótpeli kezeńde «Semavtoparktiń» 75 avtobýsy iske qosylady. Qoǵamdyq kólik basshylyǵy alǵashqy kúnderi keibir úzilister bolýy múmkin ekendigin joqqa shyǵarmaidy. Óitkeni jabdyq uzaq ýaqyt jumyssyz turyp, qalalyqtardan buǵan túsinistikpen qaraýdy suraidy.
– Biz tenderlerdi ótkizgenge deiin kólik basqarmasymen jáne qalalyq basshylyqpen qala turǵyndaryn tolǵandyratyn keibir máselelerdi qaita qaraitynymyzdy aitqan bolatynbyz. Sebebi keibir aýdandar kólik qatynasymen az qamtylǵanyn jaqsy túsinemiz. Belgili bir mólsherde óz usynystarymyzdy engizemiz. Biznes úshin de, qala turǵyndary úshin de bári qalypty ári yńǵaily bolatyndai etip jasaimyz, – dedi Grigorii Pinchýk. «Semey Bus» JShS-ǵa keletin bolsaq, búginde qala ákiminiń aitýynsha, avtoparktiń jumysy zańsyz dep tanyldy, sebebi olardyń barlyq esep shottary «buǵattalyp» tur. Bul avtoparktiń qyzmetkerleri endi qaitadan burynǵy jumys ornyna aýystyrylýda.
– Biz «Semey Bus» avtoparki paida bolǵanǵa deiin «Semavtoparkte» jumys istedik. Ol tenderdi jeńip alǵan kezde bizdi sol jerge kóshirdi. Aldymen jalaqy ýaqytynda tólendi, sodan keiin olar keshiktirile bastady. Sonda eki jyl jumys istedim, zeinetaqy áli tólenbedi, saqtandyrýdy jaqynda ǵana tóledim. Aýrýhanaǵa barýdyń ózi muń boldy jáne nesie alý da múmkin bolmai ketti.
Avtopark bankrotqa ushyrady, ne isteý kerektigin bilmeimiz. Avtoparktiń búginnen bastap zańsyz jumys isteitinin endi qazir ǵana túsindirdi. Endi biz burynǵy jumys ornymyzǵa oralamyz. Eki ottyń ortasynda qalǵandai boldyq. Qaida baryp jumys iste dese, sonda baramyz, – deidi júrgizýshilerdiń biri Ashat Sarbasov.
Jalpy, «Semavtopark» ókilderi kásiporyn tolyq kólemde paidalanýǵa daiyn ekenin málimdeidi. Alaida, qala marshrýttarynda «Semey Bus» avtobýstary da, «Semavtopark» JShS de jumys isteidi. Jasyl avtobýstarda elektrondy bilettendirý áli de bar jáne marshrýtty «Infobus» qosymshasy arqyly kórýge bolady. Semei ákimi elektrondy biletteý «Semavtopark» JShS avtobýstaryna engiziletindigine sendirdi. Ázirge onda jolaqysy qolma-qol aqshamen tólenýde. Jol júrý baǵasy – 80 teńge.
