Arhitektýralyq qurylysy biregei, 5000 orynǵa arnalǵan zamanaýi úlgidegi kópsalaly mádeni-sporttyq keshen halyqaralyq deńgeidegi sporttyq-mádeni sharalardy qabyldai alatyn ǵimarat bolmaq.
Ol álemdik talaptarǵa sáikes salynyp, tiisti jabdyqtarmen qamtamasyz etilgen. Ǵimarattyń qasbetinde áserli beinelik displei ornatylyp, qala kórkin ajarlandyra túsýde.
Keshende bir mezette 120 adamdy qabyldai alatyn olimpiadalyq bassein men 55 adamǵa arnalǵan saýyqtyrý basseini, zamanaýi fontan kesheni bar.
Atalmysh basseinderde sý sporty túrlerinen týrnirler, balalarǵa arnalǵan keshendi saýyqtyrý sharalary ótkiziletin bolady.
– Búgingi egemendi elimiz qarqyndy damyp, halyqtyń ál-aýqatyn jaqsartý maqsatynda saiasi-ekonomikalyq reformalar iske asyrylýda. Búginde elimiz boiynsha ShQO-nyń damý kórsetkishteri joǵary.
Respýblikadaǵy alǵashqy robottandyrylǵan hirýrgiia, gibridti operatsiia ashyldy. Eki jyldyń ishinde oblystyń barlyq mektepteri IT synyptarmen jabdyqtaldy.
Osy damý qarqynyn odan ári jalǵastyra berińizder. Kieli Semei jerinde, Uly Abaidyń týǵan osyndai keshenniń ashylýy óte oryndy. Bul shyǵysqazaqstandyqtarǵa jasalǵan úlken tartý- dedi Úkimet basshysynyń birinshi orynbsary Álihan Smaiylov óz quttyqtaýynda.
Semei jurtshylyǵy óz alǵystaryn jetkizip, rizalyqtaryn bildirdi.
- Elbasymyzdyń tapsyrmasymen salynǵan nysanda talai sport jáne mádeniet maitalmandary qanattanady dep oilaimyz. Semei qalasyna udaiy kóńil bólinip, sońǵy jyldary birqatar iri nysandar ashylýda. Semei halqynyń alǵystan basqa aitary joq, - dedi Semei qalasynyń qurmetti azamaty, filologiia ǵylymdarynyń doktory Arap Espenbetov.
Qurylysy eki jylǵa sozylǵan sporttyq nysannyń jalpy aýmaǵy - 33,8 myń sharshy metr. Iri keshenniń qurylysyn otandyq «Firma AZIIa» JShS júrgizip, jalpy quny 26 mlrd teńgeni quraidy.
[video width="848" height="480" mp4="https://dalanews.kz/wp-content/uploads/2019/12/VID-20191214-WA0039.mp4"][/video]
