Semeı qalasy bilim bóliminiń basshysy N.A. Fesenkoǵa qatysty sógis túrinde tártiptik jaza qoldanyldy. Sondaı-aq, ol ákimshilik jazaǵa tartyldy.
№ 9 OM dırektory N.V. Tegaı jáne №43 OM dırektorynyń m. a. A.V. Iskrına ákimshilik jaýapkershilikke tartyldy.
Esterińizge sala keteıik, áleýmettik jelilerde 16 qazanda Semeı qalasynyń №43 mektebinde oqý prosesine kedergi keltirip, muǵalimderdi senbilikke kóshe sypyrýǵa jibergeni týraly jarıalanymdar taraǵan bolatyn.
Pedagogterdi qyzmetinen tys jumystarǵa tartý, onyń ústine oqý prosesine kedergi keltirý «Pedagog mártebesi týraly» Zań talaptaryna qaıshy keledi.
QR BǴM Bilim jáne ǵylym salasynda sapany qamtamasyz etý komıtetiniń, sondaı-aq SHQO Bilim salasynda sapany qamtamasyz etý departamentiniń qyzmetkerleri ákimshilik isti qarady.
Tekserý barysynda senbilikke №43 mektebiniń pedagogterinen basqa №9 mektebiniń de muǵalimderi de jiberilgeni anyqtaldy.
Ákimshilik isti qaraý barysynda pedagogter qalany abattandyrý jumystaryna Semeı qalasy ákiminiń orynbasary D.A. Garıkovtyń haty negizinde shyqqany anyqtaldy. Hatta pedagogterdiń senbilikke tańǵy saǵat 09.00-de shyǵýyn qamtamasyz etý tapsyrylǵan. Sondaı-aq hattyń ákim orynbasarynyń qoly qoıylǵan qosymshasyna sáıkes ár mektepke aýmaqty tazartý jumystaryn júrgizý úshin belgili bir ýchaske berilgen. Tapsyrmanyń oryndalýyn baqylaý ákimdiktegi bólimshelerdiń birine júktelgen.
Bilim jáne ǵylym mınıstrligi oblystar men respýblıkalyq mańyzy bar qalalardyń ákimdikterine pedagogterdi paıdalaný jáne olardy qyzmetinen tys jumystarǵa tartý boıynsha osyndaı áreketterge jol berilmeýi tıis ekendigi týraly túsindirilgen hat joldady.
