Abai oblysynyń óńirlik kommýnikatsiialar qyzmeti alańynda "Semei qalasynyń ishki saiasat bólimi" MM basshysy Nurjan Esenjolov "Semei qalasyndaǵy startaptardy qoldaityn biznes-inkýbator jobasy" týraly aqparat berdi, dep habarlaidy Dalanews.kz.
Joba jas kásipkerlerdiń qyzmetiniń damýyna qolaily jaǵdai jasap, problemalardy birlesip sheshý, damytý jáne kásipker bolýǵa yntaly jastardy qoldaý maqsatynda qurylǵan.Sonymen qatar, bólim basshysy memlekettik jastar saiasatynyń iske asyrylý barysy jaily da atap ótti.
"Eńbek naryǵynda suranysqa ie mamandyqtar boiynsha qysqa merzimdi kásiptik oqytýǵa dánekerleýshiler, tiginshiler, aspazdar, kran mashinisi jáne basqa da mamandyqtardyń 22 adamy jiberildi. 2023 jylǵy jeltoqsandaǵy jaǵdai boiynsha NEET sanatynda 1 313 jas tirkeldi", - dedi Nurjan Esenjolov.
Biznes-inkýbator jobasyna 35 jasqa deiingi kez-kelgen jastardyń qatysýǵa múmkindigi bar. Eń bastysy jastardyń ideiasy jáne ony usynýy ekendigin jetkizdi qalalyq máslihat depýtaty Madina Edilbekova.
"Bizde kóptegen kásipkerler men startaperler bar. Biraq olardyń kópshiligi, ásirese jastar, kimge júginý kerektigin jáne jospar qurýdy bilmeidi. Aqparattyq tehnologiialar ǵasyrynda biz ýaqytpen birge júrýimiz kerek. Semei ákiminiń qoldaýymen biz baǵdarlamany startaperlermen birlesip uiymdastyrdyq. Mysaly: kóptegen qyzdar úide nan pisirýmen ainalysady, biraq ony bizneske qalai ainaldyrýǵa bolatynyn bilmeidi, kómek suraityn jerlerin de bilmeidi. Mine, osy jastarǵa, iaǵni isin jańa bastaǵan kásipkerlerge kómektesemiz" - dep atap ótti Madina Edilbekova.
Sondai-aq, depýtat qala ákimshiligi jastardy qarsy alýǵa jáne onymen jumysty barynsha tiimdi etýge daiyn ekenin aitty.
"Biz jumys isteýge yntaly, óz isin damytýǵa, úlken paida tabýǵa umtylatyn jastardy qoldaýǵa daiynbyz. Bul bizdiń jastarymyz úshin jaqsy bastama dep oilaimyn", - dep qorytyndylady Madina Edilbekova.
