Semei qalasy ákimdigi velosherýdi ótkizýge Niderland Koroldiginiń Qazaqstandaǵy Elshisi Andre Kartsens bastamashy bolǵanyn alǵa tartty. Elshiniń ózi oblys ortalyǵyn velosipedpen aralap, sporttyq sharaǵa qoldaý kórsetken. Esterińizge salamyz, mundai jarystar Astana, Almaty jáne Aqtóbe qalalarynda da ótken bolatyn.
Sporttyq jarysqa 500-ge jýyq veloshabandoz qatysty. Velosherýdiń basty maqsaty Semei qalasynda velosportty damytý.
– Qala kúni aiasynda qalamyzda osyndai aitýly velosherýdiń ótip jatqany bárimiz úshin úlken qýanysh. Árqashan jańa belesterdi baǵyndyryp, biik jetistikterge jetýlerińizge tilektespin! – dedi qala ákimi Nurbol Nursaǵatov.
Jarysqa qatysýshylar Semei qalasynyń Ortalyq alańnan Selevina kóshesine deiin 10 shaqyrym jol júrip ótti. Shara barysynda qatysýshylar arasynda utys oiyndary uiymdastyryldy.
Sonymen qatar, Ertis ózeniniń oń jaǵalaýynda qalanyń konditerleri tátti tort ázirlep, jurtshylyqqa usyndy. Torttyń uzyndyǵy 20 metrden asady. Tortty konditerler birge qala turǵyndary da bezendirgenin aita ketýimiz kerek.
