Abai oblysynyń ákimi Berik Ýáli Semei qalasyndaǵy áleýmettik nysandardyń jumysymen tanysty. Aimaq basshysy zaǵip jáne nashar kóretin azamattarǵa arnalǵan arnaiy kitaphanada boldy jáne otbasyn qoldaý ortalyǵynyń jumysymen tanysty, – dep habarlaidy Dalanews.kz
Zaǵip jáne nashar kóretin azamattarǵa arnalǵan arnaiy kitaphana - respýblika boiynsha teńdesi joq inkliýzivti jobalardyń biri. Eki qabatty kitaphananyń jalpy aýmaǵy – 800 sharshy metr. Nysan «Samuryq-Qazyna» ulttyq ál-aýqat qorynyń qarjylai qoldaýymen boi kótergen.
Kitaphananyń ishki qurylymy erekshe qajettilikteri bar adamdar úshin beiimdelgen. Onda kompiýter men smartfon paidalanýǵa úiretetin tiflotehnologiia kabineti, brail júiesi boiynsha oqý-jazýǵa baýlityn kabinet, dybystalǵan ádebietter qory, brail qarpimen jazylǵan 40 myńnan astam kitap, coworking jáne oqý zaldary, bibliografiialyq aqparattar bólimi men ádebietterdi óńdeý jáne tolyqtyrý bólimi bar.
Qazirgi tańda qala ákimdigi ǵimarattyń aýlasyna abattandyrý, kóǵaldandyrý jumystaryn júrgizýde. Oblys ákimi ǵimarattyń kitaphanasyn, oqý zaldaryn kórip, qyzmetkerlermen pikirlesip, aldaǵy ýaqytta da ákimdik tarapynan tiisti kómek kórsetiletinin aitty.
Aimaq basshysy qalany aralaý barysynda jaqynda ashylǵan otbasyn qoldaý ortalyǵynyń jumysymen tanysty.
Bul ortalyq qazirgi tańda qaladaǵy qiyn jaǵdaiǵa tap bolǵan azamattarǵa keshendi qoldaý kórsetetin negizgi mekemelerdiń birine ainalyp otyr. Munda kún saiyn 50-ge jýyq azamat qabyldaýǵa keledi. Ortalyqta psiholog, zańger, áleýmettik qyzmetker, jumyspen qamtý ortalyǵy, bilim jáne densaýlyq saqtaý salasynyń mamandary, sondai-aq «Otbasy bank» ókilderi bir tereze» qaǵidaty boiynsha qyzmet kórsetedi.
Bes júz sharshy metr aýmaqta ornalasqan ortalyqta azamattardy qabyldaý zaly, treningter men seminarlar ótkizýge arnalǵan bólme, bala kútimi men oiyn bólmesi, psiholog kabineti jáne ana men balaǵa arnalǵan arnaiy bólmeler bar.
«Osyndai ortalyqtar óte qajet. Adamdar ártúrli qiyndyqtarǵa tap bolǵan kezde aqyl-keńes berýdiń, psihologiialyq qoldaý kórsetýdiń mańyzy zor», – dedi oblys ákimi.
