Semei qalasynda 2021-2025 jyldarǵa arnalǵan ulttyq kásipkerlikti damytý jobasynyń bir bóligi «Men Kásipker» baǵdarlamasy aiasynda Abai oblysynyń taýar óndirýshileriniń «Bir aýyl – bir ónim» (BABÓ) jármeńke-kórmesi ótti, – dep habarlaidy Dalanews.kz Abai oblysy ákiminiń baspasóz qyzmetine silteme jasap.
Abai oblysynda biznes ókilderi tigin, kiiz, aǵash, et, oiynshyq jáne konditerlik, sút ónimderin usynyp, jármeńkege kelýshiler tiimdi baǵamen saýdalady.
Shara aiasynda qalalyq mádeniet úiiniń ónerpazdary kontserttik baǵdarlama uiymdastyrdy.
«BABÓ» komponenti kásipkerlikti damytý jónindegi ulttyq joba sheńberinde ázirlengen «Men kásipker» kásipkerlik áleýetin damytýdyń» bóligi. «Bir aýyl – bir ónimniń» negizgi maqsaty – aýyl turǵyndarynyń kásipkerlik áleýetin arttyrý, olardyń ál-aýqaty men ómir súrý deńgeiin jaqsartý, sondai-aq jas kásipkerlerdiń naryqtaryn keńeitýge jáne eksportqa shyǵýǵa qoldaý kórsetý bolyp tabylady.
Kórme shaǵyn biznes ókilderi men kásipkerlik áleýeti bar jeke tulǵalardyń basyn qosty. Shara qorytyndysy boiynsha jumys toby 10 jartylai finalisti tańdaidy. Olardyń jobalary oblystyq brend komitetiniń qaraýyna usynylmaq.
Úzdik úsh joba ulttyq jáne halyqaralyq kórmelerge qatysý, biznes ashýǵa jáne damytýǵa 5 million teńgege deiingi memlekettik grantty, sondai-aq marketingtik qoldaýdyń tolyq paketin, elektrondy kommertsiiany oqytýdy, onyń ishinde naryqtarǵa qol jetkizý, ónimdi jaqsartý boiynsha usynystar, logotipter men qaptamalardy jasaý múmkindigin ala alady.
