سەمەي قالاسىندا 2021-2025 جىلدارعا ارنالعان ۇلتتىق كاسىپكەرلىكتى دامىتۋ جوباسىنىڭ ءبىر بولىگى «مەن كاسىپكەر» باعدارلاماسى اياسىندا اباي وبلىسىنىڭ تاۋار وندىرۋشىلەرىنىڭ «ءبىر اۋىل – ءبىر ءونىم» (ءبابو) جارمەڭكە-كورمەسى ءوتتى، – دەپ حابارلايدى Dalanews.kz اباي وبلىسى اكىمىنىڭ باسپا ءسوز قىزمەتىنە سىلتەمە جاساپ.

اباي وبلىسىندا بيزنەس وكىلدەرى تىگىن، كيىز، اعاش، ەت، ويىنشىق جانە كونديتەرلىك، ءسۇت ونىمدەرىن ۇسىنىپ، جارمەڭكەگە كەلۋشىلەر ءتيىمدى باعامەن ساۋدالادى.

شارا اياسىندا قالالىق مادەنيەت ءۇيىنىڭ ونەرپازدارى كونسەرتتىك باعدارلاما ۇيىمداستىردى.

«ءبابو» كومپونەنتى كاسىپكەرلىكتى دامىتۋ جونىندەگى ۇلتتىق جوبا شەڭبەرىندە ازىرلەنگەن «مەن كاسىپكەر» كاسىپكەرلىك الەۋەتىن دامىتۋدىڭ» بولىگى. «ءبىر اۋىل – ءبىر ءونىمنىڭ» نەگىزگى ماقساتى – اۋىل تۇرعىندارىنىڭ كاسىپكەرلىك الەۋەتىن ارتتىرۋ، ولاردىڭ ءال-اۋقاتى مەن ءومىر ءسۇرۋ دەڭگەيىن جاقسارتۋ، سونداي-اق جاس كاسىپكەرلەردىڭ نارىقتارىن كەڭەيتۋگە جانە ەكسپورتقا شىعۋعا قولداۋ كورسەتۋ بولىپ تابىلادى.

كورمە شاعىن بيزنەس وكىلدەرى مەن كاسىپكەرلىك الەۋەتى بار جەكە تۇلعالاردىڭ باسىن قوستى. شارا قورىتىندىسى بويىنشا جۇمىس توبى 10 جارتىلاي ءفيناليستى تاڭدايدى. ولاردىڭ جوبالارى وبلىستىق برەند كوميتەتىنىڭ قاراۋىنا ۇسىنىلماق.

ۇزدىك ءۇش جوبا ۇلتتىق جانە حالىقارالىق كورمەلەرگە قاتىسۋ، بيزنەس اشۋعا جانە دامىتۋعا 5 ميلليون تەڭگەگە دەيىنگى مەملەكەتتىك گرانتتى، سونداي-اق ماركەتينگتىك قولداۋدىڭ تولىق پاكەتىن، ەلەكتروندى كوممەرسيانى وقىتۋدى، ونىڭ ىشىندە نارىقتارعا قول جەتكىزۋ، ءونىمدى جاقسارتۋ بويىنشا ۇسىنىستار، لوگوتيپتەر مەن قاپتامالاردى جاساۋ مۇمكىندىگىن الا الادى.