Semeide temirjol qyzmetkerlerin bopsalaǵan blogerge sot úkimi shyqty. Endi 34 jastaǵy azamat aldaǵy 3,5 jylyn temirjolda ótkizedi, dep habarlaidy Dalanews.kz KTK arnasyna siltep.
Jergilikti turǵyn 2 jyl boiy jolserikterdi qorqytý arqyly aqsha alyp otyrǵan. Semeiden qatynaityn jolaýshylar poiyzyna minip, qyzmetkerlerdi masqaralaityn video túsirgen. Sosyn ózin bloger jáne qoǵam belsendisi retinde tanystyryp, áleýmettik jelige jariialaimyn dep qorqytqan.
Sosyn temirjol qyzmetkerleri qoryqqandyqtan aqsha bergen. Osylaisha bloger eki jyl ishinde 10 million teńgeden astam aqsha alǵan. Bopsalaýshynyń bul áreketinen 25 jolserik zardap shekken.
Endi bloger úsh jarym jyl túrmede otyryp, jábirlenýshilerdiń shyǵynyn tolyq óteýge mindetteldi.
“Qylmystyq kodekstiń 58 baby 3-bóligi boiynsha jeńil jazany aýyr jazaǵa aýystyryp, 3,6 aiǵa bas bostandyǵynan aiyrý jazasy taǵaiyndalsyn. Jazasyn qylmystyq atqarý júiesiniń ortasha qaýipsizdik mekemesinde ótesin. Jaza úkim zańdy kúshine engen kúnnen bastap eseptelsin”, – dedi sýdia.
