سەمەيدە تەمىرجول قىزمەتكەرلەرىن بوپسالاعان بلوگەرگە سوت ۇكىمى شىقتى. ەندى 34 جاستاعى ازامات الداعى 3،5 جىلىن تەمىرجولدا وتكىزەدى، دەپ حابارلايدى Dalanews.kz KTK ارناسىنا سىلتەپ.
جەرگىلىكتى تۇرعىن 2 جىل بويى جولسەرىكتەردى قورقىتۋ ارقىلى اقشا الىپ وتىرعان. سەمەيدەن قاتىنايتىن جولاۋشىلار پويىزىنا ءمىنىپ، قىزمەتكەرلەردى ماسقارالايتىن ۆيدەو تۇسىرگەن. سوسىن ءوزىن بلوگەر جانە قوعام بەلسەندىسى رەتىندە تانىستىرىپ، الەۋمەتتىك جەلىگە جاريالايمىن دەپ قورقىتقان.
سوسىن تەمىرجول قىزمەتكەرلەرى قورىققاندىقتان اقشا بەرگەن. وسىلايشا بلوگەر ەكى جىل ىشىندە 10 ميلليون تەڭگەدەن استام اقشا العان. بوپسالاۋشىنىڭ بۇل ارەكەتىنەن 25 جولسەرىك زارداپ شەككەن.
ەندى بلوگەر ءۇش جارىم جىل تۇرمەدە وتىرىپ، جابىرلەنۋشىلەردىڭ شىعىنىن تولىق وتەۋگە مىندەتتەلدى.
“قىلمىستىق كودەكستىڭ 58 بابى 3-بولىگى بويىنشا جەڭىل جازانى اۋىر جازاعا اۋىستىرىپ، 3،6 ايعا باس بوستاندىعىنان ايىرۋ جازاسى تاعايىندالسىن. جازاسىن قىلمىستىق اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەسىن. جازا ۇكىم زاڭدى كۇشىنە ەنگەن كۇننەن باستاپ ەسەپتەلسىن”، – دەدى سۋديا.
