Semei qalasynyń Voshod kentindegi Baýyrjan Momyshuly atyndaǵy №34 mektep jańa oqý jylyn apatty jaǵdaida qarsy aldy, dep habarlaidy Dalanews.kz.
HALYQSTAN telegram-arnasynyń málimetinshe, bilim oshaǵynyń dálizindegi tóbeden sý sorǵalap, edenderdi sý basýda. Mektep qyzmetkerleri shelek qoiyp álek, biraq másele sheshiler emes.
"Balalarymyz apatty mektepte oqyp jatyr. Ylǵaldan aýyrady. Alla saqtasyn, taiyp qulap, jaraqat alsa qaitemiz?!" – deidi ata-analardyń biri.
Qalalyq ákimdik mektep shatyryna tolyq jóndeý qajet ekenin málimdedi. Jobalyq-smetalyq qujattama 2024 jyldyń qyrkúieginde ázirlenip, saraptamadan ótken. Bilim bólimi 2025 jylǵa qarjy bólýge ótinim bergenimen, áli qarajat bólinbegen.
Qazirgi ýaqytta mekteptiń úsh synybynda, dálizinde jáne sport zalyndaǵy tóbeden sý aǵýda. Bul jaǵdai oqýshylardy ekinshi aýysymǵa kóshýge májbúrlegen.
Abai oblysy ákiminiń baspasóz qyzmeti ázirge tek ýaqytsha germetizatsiialaý jumystary júrgizilip jatqanyn habarlady. Al tolyq jóndeý 2026 jylǵy renovatsiia baǵdarlamasyna ǵana engizilgen. Osylaisha, balalardyń keminde taǵy bir jyl apatty ǵimaratta oqýyna týra keledi.
Eske sala keteiik, buǵan deiin premer-ministr Oljas Bektenov 1 qyrkúiekke deiin eldegi mektepterdiń jóndeý jumystaryn aiaqtaýdy tapsyrǵan. Ol Almaty, Abai jáne Ulytaý oblystary men Batys Qazaqstan, Almaty, Qyzylorda, Atyraý, Aqtóbe jáne Shyǵys Qazaqstan oblystaryndaǵy 34 mektepte jumys qarqynynyń baiaýlyǵyn synǵa alǵan bolatyn.
Al Bilim ministri Ǵani Beisembaevtyń aitýynsha, Qazaqstanda áli de 1000-nan astam mektepke kúrdeli jóndeý qajet.
