Semeide qylmys jasaǵanyn moiyndatý maqsatynda ustalǵan adamdy azaptady degen kúdikpen politsei ustaldy, - dep habarlaidy Dalanews.kz.
26 qańtarda kúdikti Semei qalasynyń Politsiia basqarmasynyń ýaqytsha ustaý izoliatoryna qamalǵan.
"Qylmys jasaǵanyn moiyndatý maqsatynda azaptaý, iaǵni Qylmystyq kodekstiń 146-babynyń 3-bóligi 1-tarmaǵynda (azaptaýlar, iaǵni laýazymdy adamnyń tán zardabyn jáne (nemese) psihikalyq zardapty qasaqana keltirýi) kózdelgen qylmystyq quqyqbuzýshylyq jasady degen kúdikpen Semei qalasy Ortalyq politsiia bólim qyzmetkeri ustaldy", - dep jazylǵan vedomstvo habarlamasynda.
Oblystyń mamandandyrylǵan tergeý soty kúdiktige 2 ai merzimge kúzetpen ustaý túrindegi bultartpaý sharasyn sanktsiialady. Qazir sotaldy tergeý amaldary jalǵasyp jatyr.
