Búginde memlekettik standart qabyldanǵan. Soǵan sáıkes, jol jıeginde ornalasqan ashanalarǵa sanıtarlyq talaptarǵa saı bolýy mindetteledi.
Sondaı-aq, káriz júıeleri qosylyp, ystyq sýmen qamtamasyz etilýi tıis. Osyǵan oraı, qala ákimdigi basshylary kelýshilerge tolyqqandy zamanaýı qyzmetti kórsetý jóninde aqpar berý úshin arnaıy qurylǵan jumys tobymen reıd ótkizdi.
«Búgin biz osy jaǵdaılardy aldyn alý maqsatymen obektiler ıelerine konsýltatıvti túrde kómek kórsettik. Arnaıy qurylǵan jumys tobymen birge, ıaǵnı SES mekemesi, TJ mekemesi jáne salalyq bólimdermen birigip, Óskemen trassasy boıyndaǵy birneshe obektilerde boldyq. Olar «Borandy beket«, «Tereń-qudyq«, «Faıza«, «Perekrestok«, «Ý Vıtka«. Keıbir ashanalar kelýshiler úshin qolaıly jaǵdaı jasap, barlyq sanıtarlyq-gıgıenalyq talaptarǵa saı jumystaryn júrgizip, káriz júıelerin tarttyrǵan. Al basqalary endi kirisip, qalpyna keltirý jumystaryn júrgizip jatyr.Olar jumysty jyldyń sońyna deıin tolyq aıaqtaımyz dep sendirdi»,-deıdi Semeı qalasynyń dene shynyqtyrý jáne sport bóliminiń týrızmdi damytý sektorynyń meńgerýshisi Azamat Amangeldiuly.
Joǵaryda atap ótkendeı, keler jyly mereıtoıǵa baılanysty shetelderden týrıser keledi. Olarǵa tolyq múmkinshilik jasalyp, servıstik qyzmet kórsetý deńgeıin arttyrý kózdelip otyr.
