Sottyń málimetinshe, Jákishev birqatar aýyr jáne asa aýyr qylmystar boiynsha aiypty dep tanylǵan. Atap aitqanda, bótenniń múlkin urlaý, para alý, alaiaqtyq jasaý, qyzmet babyn asyra paidalaný, qujattardy qoldan jasaý syndy baptarmen sottalyp, oǵan 14 jylǵa bas bostandyǵynan aiyrý jazasy kesilgen
- QR Konstitýtsiiasynyń 76-baby, 3-tarmaǵy boiynsha sottyń sheshimderi, úkimderi jáne basqa da jarǵylary muqym Qazaqstan territoriiasynda zańdy kúshinde bolyp tanylady. QR Qylmystyq-protsessýaldyq kodekstiń 472-baby, 1-tarmaǵy boiynsha zańdy kúshine engen úkim barlyǵyna mindetti jáne qatań túrde oryndalýǵa jatady. QR Qylmystyq-protsessýaldyq kodekstiń 72-baby, 1-tarmaǵy boiynsha bas bostandyǵynan aiyrylyp, jazasyn ótep jatqan adam zańda belgilengen merzimnen buryn shartty túrde bosatylýy múmkin. Osyǵan sáikes, belgilengen ýaqytynyń 2/3 bóligin ótkergen Jákishev sotqa ózin merziminen buryn bosatýdy surap, ótinish túsirdi, - delingen habarlamada.
24 shildede Shyǵys Qazaqstan oblysy Semei qalasynyń №2 sotynda sottalýshynyń ótinishi qanaǵattandyrylmaǵany týraly úkim shyqty.
- Qylmystyq zańdaǵy sharttyń biri boiynsha keltirilgen zalaldyń ornyn toltyrǵan jaǵdaida sottalýshyny merziminen buryn bosatý ótinishin qaraidy. Bul aradaǵy jalpy shyǵyn 99,6 mlrd teńgeni quraidy. Jákishevke keltirilgen osy zalaldy ótemegen. Osy faktini sot nazarǵa ala otyryp, onyń shartty túrde merziminen buryn bosatý týraly ótinishin qanaǵattandyrýdan bas tartýǵa túrtki boldy, - dep atap ótti sottaǵylar.
