Semeı qalasynyń salyqtan túsetin búdjettik kiris bóligi bıyl tolyǵymen qalany kórkeıtýge, damytýǵa jumsalmaq. Bul negizinen Marat Qurmanbaı bastaǵan oblystyq máslıhat depýtattarynyń ótken jyldyń sońynda jasaǵan usynysy boıynsha júzege asyp otyr. Iaǵnı, oblystyq búdjetke salyqtan túsetin somanyń 13-ten 24 paıyzǵa deıingi kórsetkishin (1 mlrd. 800 mln.teńge) qala qazynasynda qaldyrý týraly semeılik depýtat M.Qurmanbaıdyń kótergen máselesi oblystyq ákimdik tarapynan qoldaý tapty.

Jaqynda ótken Semeı qalasynyń ákimi Ermak Sálimovtiń esep berý kezdesýine arnaıy qatysqan Danıal Ahmetov endi osynaý qarjynyń qalalyq ákimdik tarapynan durys ıgerilýin qaladaǵy yqpaldy, isker azamattar da nazarda ustaýy qajettigin atap kórsetti. Semeıdiń ortalyq kóshelerine aǵash otyrǵyzý, ortalyq alańdaǵy sýburqaqtyń paıdalanýǵa berilýi, velojoldar tóselip, úsh balalar jáne eki sport alańdaryn salý osy qarjyǵa josparlanyp otyr. Sonymen qatar qalany damytý maqsatyndaǵy ózge de ıgilikti ister semeılikterdi qýanyshqa bóleıtin bolady.
Sátjan Qasymjanuly,

Semeı qalasy.