«Semeı qalasynyń áýejaıyna Abaı esimin berý týraly jáne Semeı qalasynyń bilim berý mekemelerine tanymal tulǵalardyń attaryn berý oblystyq onomastıkalyq komısıada maquldanyp, Shyǵys Qazaqstan oblystyq máslıhatynyń depýtattary tarapynan qoldaý tapty. Qujattar respýblıkalyq onomastıka komısıasyna jiberildi», delingen habarlamada.
Qaladaǵy № 49 mektep te aqyn atymen atalady.
Al Óskemendegi gýmanıtarlyq kolejge Abaı esimi berilýi múmkin.
Kelesi jyly elimiz Abaıdyń 175 jyldyǵyn toılaıdy. Aıtýly mereıtoıǵa oraı oblys kóleminde 500-den astam shara ótedi.
Budan bólek Semeı qalasyndaǵy oqý oryndaryna kórnekti tulǵalardyń attary beriletin boldy.
№ 2 orta mektep - Qanysh Sátbaev, №3 mektep-keshen – Muhtar Áýezov, №34 mektep Baýyrjan Momyshuly, №37 mektep-gımnazıa - Ybyraı Altynsarın, №39 mektep - Álıhan Bókeıhan, №47 mektep- Ahmet Baıtursynov, Prıgorod orta mektebi - Júsipbek Aımaýytovtyń atymen atalady.
