Semei qalasynyń turǵyny burynǵy «Pishevik» stadionynyń ornynda salynyp jatqan jańa sport kesheniniń aýmaǵynan adam súiekterin taýyp aldy, dep habarlaidy dalanews.kz.
Áieldiń aitýynsha, súiekter qurylys alańynda jer qazý jumystary bastalǵannan keiin jer betine shyqqan. Ol bul týraly birden jergilikti ABAI NEWS redaktsiiasyna habarlaǵan.
Oqiǵa ornyna barǵannan keiin qala ákimdigi qurylys jumystaryn ýaqytsha toqtatty. Aýmaqqa politsiia qyzmetkerleri shaqyrylyp, tabylǵan súiekter sot-kriminalistikalyq saraptamaǵa jiberiletini belgili boldy.
Quzyrly organdar barlyq protsessýaldyq sharalardy aiaqtap, tiisti ruqsat bergennen keiin ǵana qurylys jumystary qaita jalǵasady.
Áleýmettik jeli qoldanýshylary adam súiekterin baiqap, der kezinde habarlaǵan turǵynǵa alǵys aityp, onyń qyraǵylyǵyn joǵary baǵalady. Kópshilik mundai súiekterdiń adamǵa tiesili ekenin ózderi birden ajyrata almas edi degen pikir qaldyrǵan.
