Ekologiia jáne tabiǵi resýrstar ministrligi 2026 jylǵy 16 shildede tutanǵan iri orman órtiniń 18 shilde kúni saǵat 09:45-te tolyq oqshaýlanǵanyn habarlady, dep habarlaidy dalanews.kz.
Vedomstvo málimetinshe, órtti sóndirýge Orman sharýashylyǵy jáne janýarlar dúniesi komitetine qarasty «Semei ormany» jáne «Ertis ormany» memlekettik orman tabiǵi rezervattarynyń qyzmetkerleri jumyldyryldy. Sonymen qatar, «Qazaviaormanqorǵaý» respýblikalyq memlekettik kásipornynyń kúshteri, Tótenshe jaǵdailar, Ishki ister jáne Qorǵanys ministrlikteriniń bólimsheleri, Ulttyq qaýipsizdik komiteti men jergilikti atqarýshy organdardyń mamandary da qatysty.
Jalpy órtti sóndirýge 769 adam, 191 birlik jerústi tehnikasy jáne 8 tikushaq tartyldy. Áýe tehnikasy órt bastalǵaly beri 319 márte sý tógip, tilsiz jaý oshaǵyna jalpy 709 tonna sý jetkizdi.
Qazirgi ýaqytta órttiń qaita tutanýyna jol bermeý jáne jaǵdaidy tolyq baqylaýda ustaý jumystary jalǵasyp jatyr.
