Jyl basynan beri Qazaqstan shekarasynda janar-jaǵarmaidy zańsyz shetelge shyǵarýǵa árekettengen 255 avtokólik anyqtaldy. Bul kólikterge janarmaidy kóbirek tasymaldaý úshin zańsyz qosymsha baktar ornatylǵan, dep habarlaidy dalanews.kz.
IIM málimetinshe, zań buzǵandardyń 195-i – shetel azamaty, 60-y – Qazaqstan azamaty. Olardyń barlyǵy ákimshilik jaýapkershilikke tartyldy.
Qosymsha janarmai baktary alynyp tastalǵannan keiin kólikter ielerine qaitaryldy.
Ministrlik shekaradaǵy tekserýler áli de jalǵasyp jatqanyn, janarmaidy zańsyz alyp shyǵý áreketteriniń joly kesiletinin málimdedi.
