Sairamdyqtar ósimdik maiyn óndirýde
Mysaly, ónerkásipti damytýdyń birinshi baǵyty boiynsha Sairam aýdanyna qarasty Qaramurt aýylynda jeke kásipker Iptihar Kochkarovtyń 2016 jyldyń jeltoqsan aiynda iske qosylǵan ósimdik maiyn óndiretin tsehi búginde qarqyndy jumys isteýde. Joba quny 350 mln. teńgeni quraidy.
Qazirgi tańda óndiriste kúnbaǵys, maqsary mailary «Altyn mai» markaly ataýyn qoldanyp keledi. Bul shikizattar Maqtaaral aýdany men Óskemennen jetkiziledi. Sondai-aq, daiyn ónimdi ótkizý jaǵy da sheshimin tapqan. Olar oblys aýdandary men Shymkent qalasynyń sýpermarketterine satylýda. Aýdannan óndirilgen ósimdik maiy Qyrǵyzstan Respýblikasyna da jiberilýde. Sonymen birge, qazirgi kezde Iran Respýblikasyna daiyn ónimdi jiberý jumystary júrgizilýde. Al qúnbaǵys, maqsary mailarynyń quramyna kelsek, 100% tazartylǵan, iissizdendirilgen bolyp keledi.
Aita keterligi, Sairam aýdany «Biznestiń jol kartasy 2020» biznesti damytý men qoldaýdyń biryńǵai baǵdarlamasy aiasynda 2016 jyly aýdanda quny 5 mlrd. teńge bolatyn 17 joba qoldaý tapty. Sonyń biri retinde, osy ósimdik maiyn óndirý tsehi baǵdarlamanyń sýbsidiialaý baǵyty aiasynda qoldaý alǵan.
Kásiporyndardyń aýdanda kóptep ashylýy jergilikti turǵyndardy turaqty jumyspen qamtýǵa zor úles qosýda. Iaǵni, joǵaryda kórsetilgen ósimdik maiy shikizatyn óndiretin kásiporyn jergilikti 25 adamdy turaqty jumys ornymen qamtyp otyr. Sonymen qatar, kásipker syiymdylyǵy 10 myń tonnalyq qoima qurylysyn iske qosqan.
OQO ákiminiń baspasóz qyzmeti
