سايرامدىقتار ٶسٸمدٸك مايىن ٶندٸرۋدە
مىسالى, ٶنەركەسٸپتٸ دامىتۋدىڭ بٸرٸنشٸ باعىتى بويىنشا سايرام اۋدانىنا قاراستى قارامۇرت اۋىلىندا جەكە كەسٸپكەر يپتيحار كوچكاروۆتىڭ 2016 جىلدىڭ جەلتوقسان ايىندا ٸسكە قوسىلعان ٶسٸمدٸك مايىن ٶندٸرەتٸن تسەحٸ بٷگٸندە قارقىندى جۇمىس ٸستەۋدە. جوبا قۇنى 350 ملن. تەڭگەنٸ قۇرايدى.
قازٸرگٸ تاڭدا ٶندٸرٸستە كٷنباعىس, ماقسارى مايلارى «التىن ماي» ماركالى اتاۋىن قولدانىپ كەلەدٸ. بۇل شيكٸزاتتار ماقتاارال اۋدانى مەن ٶسكەمەننەن جەتكٸزٸلەدٸ. سونداي-اق, دايىن ٶنٸمدٸ ٶتكٸزۋ جاعى دا شەشٸمٸن تاپقان. ولار وبلىس اۋداندارى مەن شىمكەنت قالاسىنىڭ سۋپەرماركەتتەرٸنە ساتىلۋدا. اۋداننان ٶندٸرٸلگەن ٶسٸمدٸك مايى قىرعىزستان رەسپۋبليكاسىنا دا جٸبەرٸلۋدە. سونىمەن بٸرگە, قازٸرگٸ كەزدە يران رەسپۋبليكاسىنا دايىن ٶنٸمدٸ جٸبەرۋ جۇمىستارى جٷرگٸزٸلۋدە. ال قٷنباعىس, ماقسارى مايلارىنىڭ قۇرامىنا كەلسەك, 100% تازارتىلعان, يٸسسٸزدەندٸرٸلگەن بولىپ كەلەدٸ.
ايتا كەتەرلٸگٸ, سايرام اۋدانى «بيزنەستٸڭ جول كارتاسى 2020» بيزنەستٸ دامىتۋ مەن قولداۋدىڭ بٸرىڭعاي باعدارلاماسى اياسىندا 2016 جىلى اۋداندا قۇنى 5 ملرد. تەڭگە بولاتىن 17 جوبا قولداۋ تاپتى. سونىڭ بٸرٸ رەتٸندە, وسى ٶسٸمدٸك مايىن ٶندٸرۋ تسەحٸ باعدارلامانىڭ سۋبسيدييالاۋ باعىتى اياسىندا قولداۋ العان.
كەسٸپورىنداردىڭ اۋداندا كٶپتەپ اشىلۋى جەرگٸلٸكتٸ تۇرعىنداردى تۇراقتى جۇمىسپەن قامتۋعا زور ٷلەس قوسۋدا. ياعني, جوعارىدا كٶرسەتٸلگەن ٶسٸمدٸك مايى شيكٸزاتىن ٶندٸرەتٸن كەسٸپورىن جەرگٸلٸكتٸ 25 ادامدى تۇراقتى جۇمىس ورنىمەن قامتىپ وتىر. سونىمەن قاتار, كەسٸپكەر سىيىمدىلىعى 10 مىڭ توننالىق قويما قۇرىلىسىن ٸسكە قوسقان.
وقو ەكٸمٸنٸڭ باسپاسٶز قىزمەتٸ
