El «Shanshar» ázil-syqaq teatry ártisiniń elektrondyq kezek talonyn usynyp, aqparattyq anyqtamalardy berýine tánti boldy. Bir kún azamattyq úkimet mamany atanǵan akterdiń ózi de, salany jetik meńgerip alǵanyna dán rıza.
Ǵalymjan Qalybaı, akter: «Sahanada bir basqa, al myna halyqqa qyzmet kórsetý ortalyǵynda árbir azamatty qabyldap, máselesin sheshýge yqpal jasaý óte qıyn. Munda 600-ge jýyq qyzmet túri kórsetiledi. Endi sabylmaı bir jerden tez arada barlyq qyzmet túrlerin paıdalana alasyz. «Mobıldi qosymshamen» úıde otyryp, sahnada turyp barlyq málimetti ala alamyn».
Bokstan jastar arasyndaǵy álem chempıony, halyqaralyq dárejedegi sport sheberi Dına Islambekova da rıngti qyzmet kórsetý zalyna almastyrdy. Ol óz jerlesterine keńes berip, ortalyqtyń jumys isteý erejesimen tanystyrdy. Bylǵary qolǵap sheberiniń qolynan talon alǵan Umsynaı Iýlchıeva alǵysyn aıtty.
Umsynaı Iýlchıeva, Mankent aýylynyń turǵyny: «Buryn bir qaǵaz úshin birneshe mekemeniń tabaldyryǵyn tozdyratyn edik. Shymkentke deıin baratynbyz. Endi mine ózimizdiń Aqsýkentte halyqqa qyzmet ortalyǵy ashyldy. Bir jerden barlyq tirligińdi bitiresiń».
«Juldyzdyń halyqqa qyzmet kórsetý ortalyǵyndaǵy bir kúni» aksıasy memlekettik korporasıanyń barlyq fılıaldarynda ótip jatyr. Óner maıtalmandary men sport sheberleri Sıfrlyq Qazaqstan baǵdarlamasy aıasynda elektrondyq qyzmetterdi halyq arasynda keńinen nasıhattap júr.
