Sairam aýdanynda biyl aýyl sharýashylyǵy ónim kólemi 100 mlrd teńgege jetpek
Aýdanda jańadan 101 gektar jerge tamshylatyp sýǵarý júiesi endirilip, jalpy kólemi 601 gektarǵa jetken. Jylyjailardyń jalpy kólemi 52 gektardy qurasa, qarqyndy baý 20 ga jerge egilip, kólemi 500 gektarǵa jýyqtaǵan.
«Biylǵy jyly aýdanda aýyl sharýashylyǵy salasynda 4 jańa joba iske qosylady. Olar: Qainarbulaq aýyl okrýgindegi "Nur Agro" JShS-ń 1,5 gektarlyq jylyjai kesheni, jobanyń jalpy quny - 1 mlrd teńge. Sondai-aq, "Kómeshbalyq" JShS-ń jylyna 900 tonna balyq ónimin óndiretin shabaq ósirý jobasy. Jobanyń quny - 50 mln teńge. Sonymen qatar, Kólkent aýyl okrýgindegi "Food production LTD" JShS-ń 29 gektarlyq qarqyndy baý kesheni, joba quny - 400 mln teńge. Tórtinshi, Mankent aýyl okrýgindegi "Týran Agro Et-Sút" óndiristik kooperativiniń - sútti qaita óńdeý tsehy, joba quny 100 mln teńge. Jobalardy iske asyrý barysynda qosymsha 6 mlrd-tan astam teńgeniń aýyl sharýashylyǵy ónimderi óndirilip, jańadan 380 jumys orny ashylady», - dedi Ulasbek Sádibekuly.
Aýdanda barlyq sharýashylyqtarda mal basy kóbeigen. Alty aida et óndirisi 9,3%-ǵa, sút – 5%-ǵa, jumyrtqa – 5,5%-ǵa artyp otyr. Jyl basynan aýdan kásipkerleri alys-jaqyn shetelderge jalpy kólemi 9 250 tonna et eksporttaǵan, bul byltyrǵy jylǵa qaraǵanda 4,5 myń tonnaǵa artyq. Jalpy, aýdanda jyldan-jylǵa mal bordaqylaý alańdary artyp keledi. Máselen, qazirdiń ózinde aýdandaǵy 1 012 mal bordaqylaý alańdary bir mezette 42 myń bas maldy bordaqylaýǵa qaýqarly.
