Saiasattanýshy Marat Shibutov úsh jyl burynǵy Prezidenttiń halyq aldynda jasaǵan Joldaýyn eske alyp, sodan beri elimizde qandai saiasi reformalar atqarylyǵanyn aitty. Ol Qasym-Jomart Toqaevtyń basshylyǵymen Qazaqstan sýper prezidenttikten prezidenttik-parlamenttik respýblika bolyp qalyptasýǵa qadam jasaǵanyn naqtylaidy,dep habarlaidy Dalanews.kz.
"Úsh jyl ótipti. 2022 jyly 16 naýryzda Astanada Májilis ǵimaratynda Prezident Qasym-Jomart Toqaevtyń Joldaýyn tyńdap otyrǵan edik. Ulttyq qoǵamdyq senim keńesiniń músheleri ákimdermen birge balkonda otyrdy, sondyqtan tómenge qaraý múmkin bolmady, ekranǵa kóbirek úńilýmen boldyq. Aitpaqshy, sol kezde bolttardy burai bastaidy dep oilaǵanmyn, ondai oida bolǵan jalǵyz men emes. Biraq Toqaev bárin basqasha jasady. Sol kezindegi sózinde prezident, kerisinshe, Qazaqstan demokratiialandyrý jáne liberaldandyrý jolymen júretinin aitqan. Sodan keiin referendýmda maquldanǵan konstitýtsiialyq reforma júzege asty, odan soń men de avtorlardyń biri retinde qatysqan konstitýtsiialyq zańdarǵa qol qoiyldy", dep jazdy Marat Shibutov áleýmettik jelidegi paraqshasynda.
Osylai degen saiasattanýshy sońǵy úsh jyldaǵy eń mańyzdy saiasi reformalardy atady:
- Prezident mártebesi men onyń ókilettik merzimin ózgertý;
- Konstitýtsiialyq sotty qalpyna keltirý;
- Májilis pen máslihattar sailaýy júiesine engizilgen ózgerister;
- Senattyń quramy men rólindegi ózgerister;
- Úsh jańa ákimshilik ortalyq qurý, iaǵni úsh oblysty qaita qalpyna keltirý;
- Aýdandar men oblystyq mańyzy bar qalalar ákimderin tikelei sailaý;
- Onlain petitsiialar institýtyn engizý.
"Bul óte mańyzdy qadamdar ári ol sýper prezidenttik respýblikanyń prezidenttik-parlamenttik bolyp qalyptasýy jáne bilik tarmaqtary arasyndaǵy qatynastardyń teńgerimdi bolýy úshin qajet. Osylaisha qazir 4 jyl buryn múldem múmkin emes nársege keńelip otyrǵan jaiymyz bar", dep sózin túiindeidi Shibutov.
